پاکستانی کارکنوں کے عرب امارات جانے پر کوئی پابندی نہیں عائد نہیں، زلفی بخاری

اسلام آبا:وزیر اعظم کے معاون خصوصی برائے سمندر پار پاکستانی ذوالفقار بخاری نے پاکستانیوں کی حمایت کرنے پر عرب امارات کے وزیر برائے انسانی وسائل ناصر بن ثانی الہاملی کا خصوصی شکریہ ادا کرتے ہوئے ٹوئٹر پر یہ لکھا کہ انہوں نے اس بات کی مکمل تردید کردی ہے۔

زلفی بخاری نے پاکستانیوں کی مستقل حمایت پر متحدہ عرب امارات کے وزیر برائے انسانی وسائل ناصر بن ثانی الہاملی کا خصوصی شکریہ ادا کرتے ہوئے ٹوئٹر پر یہ لکھا کہ ان کی جانب سے اس بات کی مکمل تردید کی گئی ہے اور کہا گیا ہے کہ ہم نے کوئی پابندی نہیں لگائی ہے۔

1/2
Thankful to HE Nasser bin Thani Al Hamli(Minister of Human Resources & Emiratisation) for his continued support for #OverseasPakistanis
-Contrary to media reports, he categorically stated there is NO BAN on export of 🇵🇰 workforce
-There has been 11%⬆️ in 🇵🇰 knowledge workers

— Sayed Z Bukhari (@sayedzbukhari) November 26, 2020

یاد رہے کہ قبل ازیں پاکستانی کارکنان پر عرب امارات میں پابندی کی خبریں گردش کر رہی تھیں۔مقامی میڈیا رپورٹس کے برخلاف انہوں نے واضح طور پر کہا کہ پاکستانی افرادی قوت کی برآمد پر بھی کوئی پابندی نہیں ہے۔

زلفی بخاری کا مزید کہنا تھا کہ متحدہ عرب امارات میں پاکستانی کارکنوں پر پابندی سے متعلق منفی خبروں کی تردید کے لیے انہوں نے متحدہ عرب امارات کے وزیر برائے انسانی وسائل سے رابطہ کیا۔

انہوں نے کہا کہ کورونا وائرس کی وبا کے دوران پاکستانیوں سمیت جن کارکنوں کی نوکریاں چلی گئی تھیں انہیں ایک آن لائن ڈیٹا بیس پر رجسٹر کیا گیا اور اب انہی کو ترجیح دی جا رہی ہے۔تاکہ وہ دوبارہ جاکر اپنا کام کرسکیں۔

زلفی بخاری نے کہا کہ وہ پاکستانی رہائشیوں کو درپیش مسائل کے حل کے لیے متحدہ عرب امارات قیادت کے ساتھ اشتراک کے لیے مصروف عمل ہیں اور اس سلسلے میں تمام امور انجام دیئے جائیں گے۔

واضح رہے کہ پاکستان کے دفتر خارجہ کے ترجمان زاہد حفیظ چودھری نے بھی آج ایک پریس کانفرنس کے دوران کہا تھا کہ ‘متحدہ عرب امارات نے پاکستان کے لیے ویزا پالیسی میں تبدیلیوں سے مطلع نہیں کیا،متحدہ عرب امارات میں انفرادی واقعات کوکسی ملک کے شہریوں سے جوڑنا مناسب نہیں ہے۔