گوگل نیوز پر ہمیں فالو کریںکراچی کے علاقے سعود آباد سے لاپتہ نمرہ نے بھی دعا زہرہ کی طرح پنجاب جا کر نکاح کر لیا۔ نمرہ کاظمی نے ڈیرہ غازی خان میں نجیب شاہ رخ سے نکاح کیا ہے۔
تفصیلات کے مطابق کراچی میں ایک روز میں دو لڑکیوں کے پنجاب جا کر نکاح کرنے کی اطلاعات سامنے آئی ہیں۔ نمرہ کاظمی کا نکاح نامی اور عدالتی دستاویزات بھی منظرِ عام پر آگئیں۔
کراچی سے لاپتہ دعا زہرہ لاہور سے مل گئی، لڑکی اپنی مرضی سے لاہور گئی ، نکاح بھی کرلیا
خیال رہے کہ اس سے قبل کراچی کے علاقے ملیر الفلاح سوسائٹی سے لاپتہ ہونے والی دعا زہرہ کے متعلق نئے انکشافات سامنے آگئے۔ پولیس کا کہنا تھا کہ دعا زہرہ سے نکاح کرنے والے لڑکے کا تعلق لاہور سے ہے۔
ملیر سے 10 روز قبل لاپتہ 14 سالہ کمسن لڑکی دعا زہرہ آج لاہور سے مل گئی۔ حکام کا کہنا تھا کہ لاہور اور کراچی پولیس دعا زہرہ کے معاملے پر آپس میں رابطے میں ہیں۔
قبل ازیں پولیس نے دعویٰ کیا تھا کہ دعا زہرہ اغواء نہیں ہوئیں بلکہ وہ اپنی مرضی سے گئی ہیں۔ سوشل میڈیا پر دعا زہرہ کی مبینہ والدہ کی ویڈیو بھی زیرِ گردش ہے جس میں دعا کی والدہ کا کہنا ہے کہ میں کئی روز سے سو نہیں سکی۔
