گوگل نیوز پر ہمیں فالو کریںنیوزی لینڈ نے پاکستان کو پہلے ٹی 20 میچ میں 46رنز سے شکست دے دی ہے۔ قومی کرکٹ ٹیم مقررہ 20اوورز میں 227رنز کا ہدف عبور کرنے میں کامیاب نہ ہوسکی۔
تفصیلات کے مطابق پاکستان نے ٹاس جیت کر پہلے بولنگ کا فیصلہ کیا، نیوزی لینڈ نے مقررہ 20 اوورز میں پہلے بیٹنگ کرتے ہوئے پاکستان کے خلاف 8وکٹس کے نقصان پر 226رنز بنائے۔ قومی ٹیم 227رنز کے ہدف کے تعاقب میں 180رنز بنا کر پویلین لوٹ گئی۔
[visual-link-preview encoded=”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”]
پاکستان کی پہلی وکٹ 33 کے مجموعی اسکور پر گری جب اوپنر صائم ایوب 33 کے مجموعی اسکور پر 8گیندوں پر 27رنز کی اننگ کھیل کر رن آؤٹ ہو گئے۔ محمد رضوان نے 14گیندوں پر25رنز بنائے اور 63 کے مجموعی اسکور پر کیچ آؤٹ ہوئے۔
فخر زمان نے 10 گیندوں پر 15رنز بنائے اور 90 کے مجموعی اسکور پر اش سوڈھی کے ہاتھوں ان ہی کی گیند پر کیچ آؤٹ ہوئے۔ 130 کے مجموعی اسکور پر افتخار احمد بھی 17گیندوں پر 24رنز بنانے کے بعد ٹم ساؤدھی کی گیند پر پویلین لوٹ گئے۔
وکٹ کیپر بیٹر اعظم خان 10، کپتان شاہین آفریدی 0، اسامہ میر اور عباس آفریدی 1، 1 جبکہ حارث رؤف کوئی رن بنائے بغیر آؤٹ ہوئے۔ قومی ٹیم صرف 18اوور میں 180رن بنانے کے بعد پویلین لوٹ گئی۔ ٹم ساؤدھی نے سب سے زیادہ 4کھلاڑیوں کو آؤٹ کیا۔
