گوگل نیوز پر ہمیں فالو کریںلاہور: نیوزی لینڈ کرکٹ ٹیم نے آئندہ برس 2022 میں دورۂ پاکستان کی ہامی بھر لی ہے، کیوی بورڈ کا فیصلہ سامنے آنے پر چیئرمین پی سی بی رمیز راجہ نے اعلان کا خیر مقدم کیا۔
تفصیلات کے مطابق نیوزی لینڈ کرکٹ ٹیم آئندہ برس دسمبر میں پاکستان آئے گی۔ سال کے آخری مہینے میں پاکستان اور نیوزی لینڈ کے مابین 3 ون ڈے اور 3 ٹیسٹ میچز پر مشتمل 2 سیریز کھیلی جائیں گی۔
پاکستان ایشین چیمپینز ٹرافی کے سیمی فائنل میں پہنچ گیا
پی ایس ایل 7، فرنچائزز کی سپر لیگ کیلئے پورا ہوٹل بک کرنے کی تجویز
اس کے بعد اپریل 2023 میں بھی کیوی ٹیم دورۂ پاکستان کیلئے تیار ہے۔ قومی کرکٹ ٹیم کیویز کے خلاف 10 وائٹ بال میچز پر مشتمل سیریز کھیلے گی۔ چیئرمین پی سی بی رمیز راجہ نے دوروں کی تصدیق کردی۔
چیئرمین پی سی بی رمیز راجہ نے نیوزی لینڈ کرکٹ کے چیئرمین مارٹن سینیڈن سے ملاقاتوں میں پاک نیوزی لینڈ کرکٹ سیریز کو حتمی شکل دے دی۔ سماجی رابطے کی ویب سائٹ ٹوئٹر پر پی سی بی نے دوروں کی خبر جاری کردی۔
پی سی بی کا کہنا ہے کہ نیوزی لینڈ ٹیم دسمبر سے جنوری 2022-23 کے دوران ٹیسٹ اور او ڈی آئی جبکہ اپریل میں ایک بار پھر پاکستان آ کر 10 ون ڈے میچز کھیلے گی۔ یہ کرکٹ شائقین کیلئے خوشی کی بات ہے۔
Brace yourselves! New Zealand to tour Pakistan for two Tests and three ODIs in December/January 2022-23 and will return in April 2023 for 10 white-ball matches. Exciting, right?#harhaalmaincricket pic.twitter.com/IRwgcOsYoq
— Pakistan Cricket (@TheRealPCB) December 20, 2021
مہمان ٹیم اپنے دوسرے دورے کے دوران اپریل 2023میں پاکستان کے خلاف 5 ون ڈے اور 5 ٹی 20 انٹرنیشنل میچز کھیلے گی۔ دورے کی تاریخوں کو حتمی شکل دینے کیلئے پاک نیوزی لینڈ بورڈ کی مشاورت جاری ہے۔
پاکستان کرکٹ بورڈ کے چیئرمین رمیز راجہ نے کہا کہ ہم مارٹن سینیڈن اور بورڈ کے شکر گزار ہیں کہ ان سے ملاقاتوں کے نتائج پر مسرت رہے۔ پاکستان کرکٹ برادری کا اہم رکن ہے جبکہ دونوں بورڈز کے آپس کے تعلقات مضبوط ہیں۔
دوسری جانب کیوی کرکٹ بورڈ کے چیف ایگزیکٹو ڈیوڈ وائٹ نے کہا کہ دبئی میں رمیز راجہ اور مارٹن سینیڈن کی ملاقات نتیجہ خیز اور تعمیری رہی جس سے دونوں ممالک کے کرکٹ بورڈ مزید نزدیک آگئے ہیں۔
آئندہ برس مارچ سے لے کر اپریل 2023 تک پاکستان کی میزبانی میں انگلینڈ، آسٹریلیا اور نیوزی لینڈ کی کرکٹ ٹیمیں قومی ٹیم کے خلاف میچز کھیلیں گی جن میں 13 ٹی 20، 11ون ڈے اور 8ٹیسٹ شامل ہیں۔
