گوگل نیوز پر ہمیں فالو کریںہنی ٹریپ کیس میں نیا موڑ آگیا، مرکزی ملزم نے خلیل الرحمن قمر کی بتائی گئی کہانی کو مکمل جھوٹا قرار دے کر الٹا اس کیس کا مرکزی کردار قرار دے دیا۔
ہنی ٹریپ گینگ میں ملوث مفرور مرکزی ملزم نے دعویٰ کیا ہے کہ اس کے پاس خلیل الرحمان کی نازیبا ویڈیوز موجود ہے۔
موقر آج نیوز کی رپورٹ کے مطابق خلیل الرحمٰن قمر کے اغوا اور انہیں تشدد کا نشانہ بنانے کے کیس میں ملوث مفرور ملزم حسن شاہ نے نجی ٹی وی چینل کو دیے گئے انٹرویو میں چونکا دینے والے انکشافات کیے ہیں۔
مفرور ملزم حسن شاہ نے انٹرویو میں انکشاف کیا کہ خلیل الرحمان قمر آمنہ عروج کے پیچھے پڑے ہوئے ہیں۔
ملزم کا کہنا تھا کہ اگر خلیل الرحمٰن قمر کے موبائل کال ڈیٹا ریکارڈ (سی ڈی آر) نکلوایا جائے حقیقت سامنے آجائے گی کہ کون کس کو پہلے فون کرتا تھا۔
ملزم حسن شاہ نے انٹرویو میں بڑا دعویٰ کرتے ہوئے بتایا کہ خلیل الرحمٰن قمر کو ماڈل آمنہ عروج سے محبت ہوگئی، جس خاتون پر وہ پریس کانفرنس میں الزام لگا رہے تھے، وہ ان کے پاؤں تک چومتے رہے ہیں اور ان سے کہتے رہے ہیں کہ انہیں ان سے محبت ہوگئی۔
ان کے مطابق خلیل الرحمان اور ماڈل کے درمیان جیسے ہی ملاقات ہوئی تو ان کے مابین تعلقات میں اضافہ ہونے لگا اور ڈرامہ نگار نے خاتون سے محبت کا اظہار بھی کیا۔
انہوں نے بتایا کہ خلیل الرحمٰن قمر کو ہنی ٹریپ کے ذریعے اغوا کرنے کا الزام جھوٹا ہے، انہوں نے کہا کہ اگر وہ اغوا کار ہوتے تو اپنی ہی گاڑیوں میں درست نمبر پلیٹس کے ساتھ نہ آتے اور نہ ہی ان کے نام اور فون نمبرز ڈراما ساز کو معلوم ہوتے۔
واضح رہے ڈراما ساز خلیل الرحمان قمر چند روز قبل ہنی ٹریپ گینگ کے جھانسے میں آکر اغوا ہوگئے تھے، جس کے بعد ان پر تشدد کیا گیا تھا اور ان سے نقدی سامان بھی لوٹ لیا گیا تھا۔
بعد ازاں پولیس نے مقدمہ دائر کرتے ہوئے ان کے اغوا میں ملوث مرکزی ملزمہ خاتون آمنہ عروج سمیت دیگر افراد کو گرفتار کرلیا تھا۔
