گوگل نیوز پر ہمیں فالو کریںمعروف پاکستانی فلمی جوڑی کبریٰ خان اور گوہر رشید کی مکہ مکرمہ میں نکاح کی نئی ویڈیوز اور تصاویر سوشل میڈیا پر وائرل ہو گئیں۔
فوٹو اینڈ ویڈیو شیئرنگ ایپ انسٹاگرام پر کبریٰ خان اور گوہر رشید خانہ کعبہ میں نکاح کی تصاویر وائرل ہونے کے بعد اب ولیمے کی ویڈیو نے دھوم مچادی ہے۔
سوشل میڈیا پر دونوں کی خانہ کعبہ کے سامنے کھڑی تصاویر زیرِ گردش ہیں جن میں کبریٰ خان سفید حجاب اور عبایا پہنی ہوئی ہیں جبکہ گوہر رشید نے احرام باندھ رکھا ہے۔
انسٹاگرام پر جاری ہونے والی ویڈیو میں مکہ کے ایک ہوٹل میں کھانے کی سجی ہوئی میز پر طعام کے ہمراہ پھولوں کے گلدان دیکھے جاسکتے ہیں جس میں گوہر اور کبرٰی کی تصویر سے مداحوں کو ولیمہ کی تقریب سے آگاہ کیا گیا ہے۔
ویڈیو میں ہوٹل کی سجاوٹ دکھانے کے بعد کیمرے کو آگے لے جاکر کھڑکی کی جانب کیا گیا جہاں سے مکہ مکرمہ کا خوبصورت ایگل آئی ویو بھی نظر آرہا ہے۔
وائرل ویڈیو کے کمنٹس سیکشن میں مداح جوڑی کو نئی زندگی کیلئے اپنی نیک تماؤں کا اظہار کرتے نظر آرہے ہیں۔
یاد رہے کہ کبریٰ خان اور گوہر رشید کے علاوہ مومل شیخ اور نادر نواز، شہزاد شیخ اور انکی اہلیہ، وجاہت رؤف اور شازیہ وجاہت بھی دونوں کے نکاح میں شرکت کرنے کیلئے مکہ پہنچے اور عمرہ ادا کیا۔
