گوگل نیوز پر ہمیں فالو کریںکراچی :ڈاکٹر محمد معراج نے کہا ہے کہ پاکستان کی معاشی ترقی کی راہ میں ایک اہم رکاوٹ یہ بھی ہے کہ ترقیاتی منصوبوں کی تکمیل کی کے لئے عالمی مالیاتی اداروں اور حکومتوں کی جانب سے فراہم کئے جانے والے فنڈز کو پوری طرح استعمال ہی نہیں کیا جارہا ہے ۔
ان کا کہنا ہے کہ اس بنا پر ہمارے ہاں ضرورت اس بات کی ہے کہ معاشیات کی تعلیم حاصل کرنے والے طالب علموں کی اس طرح تعلیم و تربیت فراہم کی جائے کہ وہ تعلیم مکمل ہونے کے بعد عملی زندگی کا آغاز کرنے پر ملک کی معیشت کے ترقی کے لئے پالیسیاں بنانے کے ذمہ دار اعلیٰ حکام کے ساتھ کام کرکے بیرونی امداد کے بہتر طریقے سے استعمال کے لئے معاونت فراہم کرسکیں۔
یہ بات محمد علی جناح یونیورسٹی کراچی کے فنانس اینڈ اکنامکس کے شعبہ کے سربراہ ڈاکٹر محمد معراج نے اپنے شعبہ کے نئے ڈگری پروگرام بی ایس (اکنامکس اینڈ پالیسی ڈیویلپمنٹ ) میں داخلوں کے آغاز پر نصاب کا جائزہ لینے والی کمیٹی کے اجلاس کی صدارت کرتے ہوئے کہی۔
اجلاس میں ماجو سے ڈاکٹر رضوان الحسن، ڈاکٹر فرخ محمود، ڈاکٹر حنا فاطمہ اور آفاق علی خان نے جبکہ ایکسٹرنل ممبران میں سے فیڈرل اردو یونیورسٹی کے ڈاکٹر خرم شاہنواز، بحریہ یونیورسٹی کے ڈاکٹر لیاقت علی اور اسٹیٹ بنک آف پاکستان کے سلمان احمد نے شرکت کی۔
اجلاس سے خطاب کرتے ہوئے ڈاکٹر محمد معراج نے کہا کہ ماجو میں بی ایس (اکنامکس اینڈ پالیسی ڈیویلپمنٹ) ڈگری پروگرام شروع کرنے کا بنیادی مقصد ملک کے لئے ایسے نوجوان تیار کرنا ہے جو ملکی اور عالمی معاشی مسائل کا ادراک کرتے ہوئے اپنا ایک معاشی ماڈل تیار کرکے ملک کے معاشی مسائل کا حل پیش کرسکیں۔
انہوں نے کہا کہ یہ اپنی نوعیت کا واحد منفردڈگری پروگرام ہے جو اب تک سندھ کی کسی اور یونیورسٹی میں پڑھایا نہیں جارہا ہے۔
انہوں نے کہا کہ انھیں اس توقع کا اظہار کیا کہ بی ایس(اکنامکس اینڈ پالیسی ڈیویلپمنٹ)ڈگری پروگرام کی تعلیم مکمل کرنے والے طلبہ ملک کے معاشی مسائل کو بہتر طور سمجھنے اور ان کو حل کرنے کے لئے مددگار ثابت ہوں گے۔
انہوں نے بتایا کہ اس چارسالہ ڈگری پروگرام کے دوران معاشیات کے ساتھ ساتھ پالیسی ڈیویلپمنٹ کی اہمیت کو بھی کو بھی اجاگر کرنے پر خصوصی توجہ دی جائے گی۔
انہوں نے کہا کہ بی ایس،اکنامکس اینڈ پالیسی ڈیویلپمنٹ کی تعلیم مکمل والے طلبہ سرکاری اداروں، این جی اوز،اقوام متحدہ کے ذیلی اداروں اور عالمی مالیاتی اداروں میں روزگار کے بہتر موقع حاصل کرسکیں گے۔
مزید پڑھیں:پرائیویٹ اسکولز ایکشن کمیٹی کا 15اگست سے نجی تعلیمی ادارے کھولنے کا اعلان
