صنف آہن میں عاصم اظہر کی پہلی تصویری جھلک، عوام کی تعریف

پاکستان کے مشہور گلوکار عاصم اظہر بہت جلد ڈرامہ سیریل صنف آہن میں اداکاری کے جلوے دکھاتے نظر آئیں گے، حال ہی میں انہوں نے ڈرامے میں اپنے کردار کے حوالے سے پہلی تصویری جھلک پیش کی ہے، جس کو صارفین کی جانب سے پسندیدگی کی نگاہوں سے دیکھا جارہے ہے۔

گزشتہ روز عاصم اظہر نے اپنے انسٹا گرام اکاؤنٹ پر کیپٹن کے لباس میں ملبوس اپنی ایک تصویر شیئر کرتے ہوئے کہا کہ ‘کیپٹن ناصر ڈیوٹی سے رپورٹنگ کررہے ہیں’۔

Captain Nasr reporting for duty! ???????????? #SinfeAahan pic.twitter.com/LuTMzEe2ya

— Asim Azhar (@AsimAzharr) February 25, 2022

اس تصویر کے پوسٹ ہوتے ہی لوگوں نے مختلف قسم کے تبصرے کرنے شروع کردیے ہیں، کچھ صارفین نے مزاحیہ تبصرہ کرتے ہوئے کہا کہ عاصم جعلی کیپٹن سجاد کی طرح لگ رہا ہے، جسے پاک آرمی نے پکڑا تھا۔

عاصم اظہر کی تصویر کو زیادہ تر صارفین کی طرف سے سراہا جارہا ہے، اُن کا کہنا ہے کہ ہم سے عاصم کے اسکرین پر آنے کا انتظار نہیں ہورہا۔

واضح رہے کہ ڈرامہ سیریل صنف آہن کو آئی ایس پی آر، سکس سگما پلس اور نیکسٹ لیول انٹر ٹینمنٹ نے پروڈیوس کیا ہے۔ ڈرامے کی کاسٹ میں بہت سے مشہور نام شامل ہیں جن میں سجل علی، یمنیٰ زیدی، سائرہ یوسف، کبریٰ خان، رمشاء خان،علی رحمان خان، اسد صدیقی، عاصم اظہر، شہریار منور اور عثمان مختار شامل ہیں۔

یہ بھی پڑھیں:

طوبیٰ گھر آجائیں، بہنیں بن کر ساتھ رہیں گے۔ دانیہ شاہ

ڈرامے کی کہانی دیگر پاکستانی ڈراموں سے خاصی مختلف ہے کیونکہ اس میں خواتین کو ہر شعبے میں اپنی صلاحیتوں کو ثابت کرنے کا پیغام دیا گیا ہے۔

مزید برآں ڈرامے کو زیادہ تر سوشل میڈیا صارفین کی طرف سے پسندیدگی کی نگاہوں سے دیکھا جارہا ہے، اُن کا کہنا ہے کہ اس کی کہانی بہت حقیقت پسندانہ ہے۔