گوگل نیوز پر ہمیں فالو کریںاسلام آباد: نیشنل الیکٹرک پاور ریگولیٹری اتھارٹی (نیپرا) نے منگل کو 2021-22 کی چوتھی سہ ماہی کی ایڈجسٹمنٹ کے باعث بجلی کے نرخوں میں 3.39 روپے فی یونٹ اضافے کی منظوری دے دی۔
ذرائع کے مطابق نیپرا نے سہ ماہی فیول ایڈجسٹمنٹ کے طریقہ کار کے تحت بجلی کے نرخوں میں اضافہ کیا۔ صارفین کے لیے اضافی چارجز اکتوبر میں شروع کردیئے جائیں گے۔
نیپرانے ماہانہ فیول ایڈجسٹمنٹ (MFA) پر غور کرنے کے لیے سماعت کی۔ نیپرا نے بتایا کہ سینٹرل پاور پرچیزنگ ایجنسی- گارنٹی نے بجلی کے نرخوں میں 4.69 روپے فی یونٹ اضافے کے لیے درخواست جمع کرائی تھی۔
نیپرانے کہا کہ ڈیٹا کا جائزہ لینے کے بعد تفصیلی فیصلہ بعد میں جاری کیا جائے گا۔ عوام پہلے سے ہی بھاری مہنگائی کے بوجھ سے 95 ارب روپے کا بوجھ اٹھانے پر مجبور ہو جائیں گے۔
جولائی 2022 کی ماہانہ فیول ایڈجسٹمنٹ (ایم ایف اے) کی روشنی میں، یہ نوٹ کرنا ضروری ہے کہ نیشنل الیکٹرک پاور ریگولیٹری اتھارٹی (نیپرا) نے 31 اگست کو بجلی کے نرخوں میں 4.34 روپے فی یونٹ اضافے کی منظوری دی تھی۔
11 اگست کو نیشنل الیکٹرک پاور ریگولیٹری اتھارٹی نے کے الیکٹرک کے صارفین کے لیے بجلی کے نرخوں میں 11 روپے 10 پیسے فی یونٹ اضافہ کیا۔ یہ منظوری جون 2022 کے فیول ایڈجسٹمنٹ چارجز کی مد میں دی گئی۔
مزید پڑھیں:سیلاب کے باعث رواں مالی سال ملکی برآمدات متاثر، ہدف حاصل نہ ہونے کا خدشہ
