گوگل نیوز پر ہمیں فالو کریںکھٹمنڈو: نیپال میں ایک نجی ایئر لائن کا طیارہ اتوار کو لاپتہ ہو گیا جس میں 22 افراد سوار تھے۔
حکام کے مطابق ابر آلود موسم کے باعث طیارے کی تلاش کا عمل متاثر ہورہا ہے، ہیلی کاپٹروں کو پرواز کے آخری معلوم مقام کے علاقے میں پرواز کرنے سے روک دیا گیا ہے۔
حکام نے بتایا کہ تارا ایئر کا طیارہ سیاحتی شہر پوکھرا سے دارالحکومت کھٹمنڈو سے تقریباً 125 کلومیٹر (80 میل) مغرب میں شمال مغرب میں تقریباً 80 کلومیٹر دور جومسوم کے لیے روانہ ہوا۔
نیپال کی سول ایوی ایشن اتھارٹی نے ایک بیان میں کہا کہ تلاشی کے لئے جانے والا ہیلی کاپٹر خراب موسم کی وجہ سے طیارے کا پتہ لگائے بغیر واپس جومسوم پہنچ گیا۔
موسم کی صورتحال بہتر ہونے کے بعد ہیلی کاپٹر کھٹمنڈو، پوکھارا اور جومسوم سے تلاش کے لیے اڑان بھرنے کے لیے تیار ہیں۔ فوج اور پولیس کی تلاشی ٹیمیں جائے وقوعہ کی طرف روانہ ہو گئی ہیں۔
ایئر لائن کے ترجمان نے کہا کہ طیارے میں عملے کے تین افراد سمیت چار ہندوستانی، دو جرمن اور 16 نیپالی سوار تھے۔ انہوں نے بتایا کہ مسافروں میں سے سات خواتین تھیں۔
یاد رہے کہ 2018 کے اوائل میں، ڈھاکہ سے کھٹمنڈو جانے والی یو ایس-بنگلہ ایئر لائن کی پرواز لینڈنگ کے وقت گر کر تباہ ہو گئی تھی اور اس میں آگ لگ گئی، جس میں سوار 71 میں سے 51 افراد ہلاک ہو گئے تھے۔
مزید پڑھیں:انتہاء پسند ہندوؤں نے جواہر لعل نہرو کا مجسمہ تباہ کر دیا
