اسلام آباد: وفاقی وزیر برائے ماحولیاتی تبدیلی زرتاج گل وزیر نے پاکستان پیپلز پارٹی کے چیئرمین بلاول بھٹو زرداری پر تنقید کرتے ہوئے کہا ہے کہ بلاول کی منافقانہ سیاست بے نقاب ہوچکی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ ماحولیاتی تبدیلی نے کہا کہ بلاول بھٹو زرداری کی منافقانہ سیاست مکمل طور پر بے نقاب ہو گئی ہے جبکہ سندھ حکومت کی بد ترین کورونا بچاؤ کی پالیسیوں اور چوری چکاری کو شکست کا سامنا کرنا پڑا۔
وزیرِ مملکت زرتاج گل وزیر نے کہا کہ سندھ حکومت کی میڈیا میں ڈرامے بازی اور کورونا بچاؤ پالیسیوں کی شکست کے بعد اب بلاول ملبہ وفاقی حکومت پر ڈالنے کی کوشش میں ہیں۔
وفاقی وزیر زرتاج گل وزیر نے کہا کہ چیئرمین پیپلز پارٹی بلاول بھٹو زرداری نے ابتدا میں اعلان کیا تھا کہ وہ کورونا وائرس کے معاملے پر سیاست نہیں کریں گے اور وہ وزیرِ اعظم کے ساتھ ہیں، تاہم اَب یہ وعدہ وفا نہیں ہورہا۔
بلاول زرداری کی منافقانہ سیاست مکمل طور پر بے نقاب ہو چکی ہے۔ سندھ حکومت کی بدترین کورونا بچاو کی پالیسیوں، چوری چکاری، میڈیا میں ڈرامے بازی کی شکست کے بعد اب ملبہ وفاقی حکومت پر ڈالنے کی کوشش میں ہیں۔ اور اس بندے نے شروع میں اعلان کیا تھا کہ سیاست نہیں، وزیر اعظم کے ساتھ ہوں۔۔
— Zartaj Gul Wazir (@zartajgulwazir) April 15, 2020