این سی او سی نے ملک گیر لاک ڈاؤن میں نرمی کیلئے سفارشات پیش کردیں

اسلام آباد : نیشنل کمانڈ اینڈ آپریشن سینٹر نے بدھ کے روز ملک میں لاک ڈاؤن پابندیوں کو کم کرنے کے لئے متعدد سفارشات پیش کی ہیں جن کو کورونا وائرس کے پھیلاؤ کو روکنے کے لئے عائد کیا جاسکتا ہے۔

اسلام آباد میں وزیر منصوبہ بندی، ترقی و اصلاحات اسد عمر کی زیرصدارت کمیٹی اجلاس کے دوران یہ سفارشات پیش کی گئیں۔

سفارشات میں ایس او پیز کے مناسب نفاذ کے ساتھ بین الصوبائی ٹرانسپورٹ کھولنے ، تعمیراتی شعبے کا فیز II ، خوردہ دکانوں کو دوبارہ کھولنا اور اسلام آباد میں منتخب آؤٹ پیشنٹ شعبہ جات کو کھولنے کی اجازت شامل ہے۔

اجلاس کے شرکاء نے دکانوں کے اوقات کو صبح 9 بجے سے شام 5 بجے اور پھر شام 8 بجے سے رات 10 بجے تک بڑھانے کی تجویز پیش کی۔

مزید پڑھیں: نیب نے چوہدری شجاعت اور پرویزالٰہی کا 19 سال پرانہ کھاتہ کھول لیا

انہوں نے یہ بھی فیصلہ کیا کہ رمضان المبارک کے دوسرے عشرے میں مذہبی اجتماعات کے لئے ایس او پیز میں کوئی تبدیلی نہیں کی جائے گی۔