گوگل نیوز پر ہمیں فالو کریںممبئی: بالی ووڈ اداکار نوازالدین صدیقی نے حال ہی میں کنگنا رناوت کے ساتھ کام کرنے کے اپنے تجربے کے بارے میں بات کرتے ہوئے ان افواہوں کی تردید کی ہے کہ ان کے ساتھ کام کرنا مشکل ہے۔
ایک حالیہ انٹرویو میں، میزبان آر جے سدھارتھ کنن نے اداکار سے ان کے تجربے کے بارے میں پوچھا تھا جس پر انہوں نے کہا، ”میں نے اپنے تجربے کے دوران بہت لطف اٹھایا، وہ ایک حیرت انگیز لڑکی ہے۔“
انہوں نے کہاکہ ان سے انڈسٹری کے دوسرے لوگوں کے بارے میں بھی پوچھا گیا جن کا ماننا ہے کہ رناوت کے ساتھ کام کرنا ایک مشکل ہے۔اُن کا کہنا تھا کہ ”وہ میری پروڈیوسر تھیں۔ ان جیسے پروڈیوسرز کی تعداد بہت کم ہے۔ وہ نایاب ہیں، ”
نواز الدین صدیقی سے پوچھا گیا کہ کیا وہ کنگنا کے ساتھ کام کرنے میں کبھی ہچکچاہٹ کا شکار ہوئے یا خوفزدہ ہوئے، انہوں نے کہا کہ ”ہرگز نہیں۔ کس چیز کا خوف؟ وہ اتنی شاندار اداکارہ ہے، اتنی اچھی پروڈیوسر ہے، آپ اور کیا چاہیں گے؟“
اداکار نے مزید کہا کہ لوگوں کو افواہوں پر یقین نہیں کرنا چاہیے۔ ”جب ان چیزوں کی بات آتی ہے جو آپ سنتے ہیں، تو آپ میرے بارے میں بھی کئی باتیں سن سکتے ہیں۔
مزید پڑھیں:عائزہ خان کی وائرل نئی تصاویر کی سوشل میڈیا پر دھوم
