سپریم کورٹ کے فیصلے پر نواز شریف کا ردعمل سامنے آگیا

لاہور: ڈپٹی اسپیکر رولنگ کیس میں سپریم کورٹ کے فیصلے پر پاکستان مسلم لیگ ن کے قائد اور سابق وزیراعظم نواز شریف کاردعمل سامنے آیا ہے۔

نواز شریف کا ٹوئٹر پر اپنے ردعمل میں کہنا تھا کہ ‘پاکستان کو ایک تماشہ بنا دیا گیا ہے، تینوں جج صاحبان کو سلام’۔

پاکستان کو ایک تماشہ بنا دیا گیا ہے۔ تینوں جج صاحبان کو سلام

— Nawaz Sharif (@NawazSharifMNS) July 26, 2022

واضح رہے کہ سپریم کورٹ نے ڈپٹی اسپیکر رولنگ کیس میں پرویز الٰہی کی درخواست منظور کرتے ہوئے پنجاب اسمبلی کے ڈپٹی اسپیکر دوست مزاری کی رولنگ کالعدم قراردے دی ہے۔

مزید پڑھیں:سپریم کورٹ پر حملے کرنے والا قبضہ گروپ شکست سے دوچار ہوا، شیخ رشید

سپریم کورٹ نے مختصر فیصلہ سناتے ہوئے کہا کہ ڈپٹی اسپیکر کی رولنگ درست نہیں، ڈپٹی اسپیکر کی رولنگ کالعدم قرار دی جاتی ہے۔فیصلے کے مطابق ڈپٹی اسپیکر کی رولنگ کا کوئی قانونی جواز نہیں، پنجاب کابینہ بھی کالعدم قرار دی جاتی ہے۔