گوگل نیوز پر ہمیں فالو کریںاسلام آباد: پاکستان نیٹ بال فیڈریشن (NBF) کا کہنا ہے کہ قومی مرد اور خواتین نیٹ بال چیمپئن شپ 11 سے 14 فروری 2023 تک پاکستان سپورٹس کمپلیکس اسلام آباد میں منعقد ہوگی۔
چیمپئن شپ پاکستان اسپورٹس بورڈ کے تعاون سے پی این ایف کی نگرانی میں کھیلی جائے گی۔پاکستان واپڈا مردوں اور خواتین دونوں ایونٹس میں اپنے ٹائٹل کا دفاع کرے گا۔
این بی ایف کے صدر مدثر آرائیں نے ایک بیان میں کہا کہ ایونٹ میں شرکت کے لیے ملک بھر سے 16 ٹیموں کو مدعو کیا گیا تھا۔ ٹیموں میں پاکستان آرمی، پاکستان ریلوے، پاکستان ایئر فورس، پاکستان نیوی، پاکستان واپڈا، پاکستان پولیس، ہائر ایجوکیشن کمیشن، لمز، گلگت بلتستان، پاکستان انٹر بورڈ، اے جے کے، سندھ، خیبرپختونخوا، ایل جی ایس، بلوچستان اور اسلام آباد شامل ہیں۔
شرکا کی منیجر میٹنگ 10 فروری کو ہو گی، سیمی فائنلز 13 فروری کو کھیلے جائیں گے جبکہ دونوں ایونٹس کے فائنل 14 فروری کو ہوں گے۔ فائنل میچز جیتنے والی ٹیموں کو ٹرافیاں، میڈلز اور سرٹیفکیٹس تقسیم کیے جائیں گے۔
مزید پڑھیں:آفریدی سے ملاقات کے بعد بزرگ خاتون کا انتقال، لالا افسردہ ہوگئے
مدثر آرائیں نے کہا کہ چیمپئن شپ کے دوران اچھی کارکردگی دکھانے والے کھلاڑیوں کو قومی مرد و خواتین ٹیموں کے لیے منتخب کیا جائے گا۔
