گوگل نیوز پر ہمیں فالو کریںکراچی: نیشنل بینک آف پاکستان نے مالی نقصان کے سبب بنگلہ دیش اور افغانستان میں اپنی شاخیں بند کرنے کا فیصلہ کیا ہے۔
این بی پی حکام کا کہنا ہے کہ حکومت بنگلہ دیش میں سلہٹ، چٹاگانگ اور ڈھاکہ میں واقع تین شاخوں کے ساتھ ساتھ افغانستان میں کچھ شاخیں بھی بند کردے گی۔
سلہٹ میں این بی پی برانچ کو گذشتہ آٹھ سالوں سے مالی نقصانات کا سامنا کرنا پڑ رہا ہے اور یہ برانچ اس سال کے آخر تک بند ہوجائے گی۔ اسٹیٹ بینک آف پاکستان نے سلہٹ میں شاخ کو بند کرنے کے فیصلے کی منظوری دے دی ہے جبکہ بنگلہ دیش میں باقی دو شاخیں بھی جلد ہی بند کردی جائیں گی۔
