بلدیاتی انتخابات،ہم پر مسلط مسخروں کی حقیقت کھل گئی۔ناصر حسین شاہ

کراچی: وزیرِ بلدیات سندھ ناصر حسین شاہ نے بلدیاتی انتخابات کے نتائج پر تبصرہ کرتے ہوئے کہا ہے کہ ہم پر مسلط مسخروں کی حقیقت کھل گئی جبکہ سیاسی جماعتیں فطری طور پر وجود میں آتی ہیں۔

سماجی رابطے کی ویب سائٹ ٹوئٹر پر اپنے پیغام میں صوبائی وزیر سید ناصر حسین شاہ نے کہا کہ سیاسی جماعتیں فطری طور پر دماغوں پر نہیں، دلوں پر راج کرکے وجود میں آتی ہیں۔

یہ بھی پڑھیں:

بلدیاتی انتخابات سے پی ٹی آئی کی غیر مقبولیت ظاہر نہیں ہوتی۔فواد چوہدری

 پی ٹی آئی پشاور، بنوں، کوہاٹ اور مردان میں میئر بنانے میں ناکام

ٹوئٹر پیغام میں وزیرِ بلدیات ناصر حسین شاہ نے کہا کہ آپ یہاں وہاں 40 لاکھ افراد کو منتخب کرکے فلمیں بنا سکتے ہیں لیکن اس سے حقیقی سیاسی جماعت نہیں بنتی۔

Political parties naturally come in2 being which rule over hearts, not minds.U can make films by selecting 4m here & there, but not a real political party.The reality of “jokers”that was imposed on us is totally exposed now. While the goodcop badcop game of N has come to the fore

— Syed Nasir Hussain Shah (@SyedNasirHShah) December 21, 2021

پیغام میں صوبائی وزیر سید ناصر حسین شاہ نے کہا کہ ن کا گڈ کوپ، بیڈ کوپ گیم بھی منظرعام پر آگیا ہے۔ واضح رہے کہ بلدیاتی انتخابات میں ن لیگ اور پی ٹی آئی دونوں اہم نشستوں پر انتخاب ہار گئیں۔

خیال رہے کہ اس سے قبل خیبرپختونخوا میں حکمراں جماعت پاکستان تحریک انصاف کو بلدیاتی انتخابات میں اہم نشستوں پر ناکامی ہوئی۔ صوبائی وزیر نے مہنگائی کو شکست کی وجہ قرار دے دیا۔

غیر سرکاری اور غیر حتمی نتائج کے مطابق پی ٹی آئی پشاور، بنوں، کوہاٹ اور مردان میں میئر کے انتخابات میں ہار گئی۔میئر کے عہدے پر جے یو آئی کے زبیر علی 24 ہزار 80ووٹ لے کر کامیاب ہوئے۔