گوگل نیوز پر ہمیں فالو کریںپاکستان کرکٹ ٹیم کے نوجوان فاسٹ باؤلر نسیم شاہ نے انسٹاگرام پر اپنی ایک ویڈیو شیئر کی جس میں وہ سخت ٹریننگ سیشن میں مصروف نظر آ رہے ہیں، یہ ویڈیو تیزی سے وائرل ہو گئی اور ان کے مداحوں نے ان کی فٹنس اور لگن کو خوب سراہا۔
چند ہفتے قبل، انسٹاگرام پر ایک ویڈیو وائرل ہوئی تھی جس میں ایک ایسا شخص نظر آ رہا تھا جو نسیم شاہ سے مشابہت رکھتا تھا جس نے شائقین میں پرانی یادیں تازہ کر دیں۔
نسیم شاہ نے محض 16 سال کی عمر میں آسٹریلیا کے خلاف ٹیسٹ ڈیبیو کیا اور تب سے پاکستان کے فاسٹ باؤلنگ اٹیک کا ایک اہم حصہ بنے ہوئے ہیں۔ وہ سب سے کم عمر فاسٹ باؤلر ہیں جنہوں نے ٹیسٹ کرکٹ میں پانچ وکٹیں حاصل کرنے کا کارنامہ انجام دیا۔
بعد ازاں 2020 میں بنگلہ دیش کے خلاف ہیٹ ٹرک مکمل کر کے انہوں نے ایک اور شاندار سنگ میل عبور کیا۔
اگرچہ وہ مختلف مواقع پر انجری مسائل کا شکار رہے لیکن وہ پاکستان کے فاسٹ باؤلنگ یونٹ کا ایک لازمی جزو ہیں اور اکثر شاہین آفریدی اور حارث رؤف کے ساتھ خطرناک باؤلنگ جوڑی بناتے ہیں۔
بین الاقوامی کرکٹ کے علاوہ نسیم شاہ نے پاکستان سپر لیگ سمیت مختلف بین الاقوامی ٹی ٹوئنٹی لیگز میں بھی اپنی صلاحیتوں کا لوہا منوایا ہے۔
ان کی حالیہ ورک آؤٹ ویڈیو نے مداحوں کو یقین دلا دیا ہے کہ وہ مکمل فٹ ہیں اور ان کی واپسی کے منتظر شائقین میں جوش و خروش بڑھ گیا ہے۔
