گوگل نیوز پر ہمیں فالو کریںبالی وڈ اسٹار نرگس فخری کی حال ہی میں خفیہ شادی کی تصاویر انٹرنیٹ پر وائرل ہونے کے بعد ایک بار پھر خبروں میں ہیں، سوشل میڈیا پر افواہیں گرم ہیں کہ اداکارہ نرگس فخری نے گزشتہ ہفتے خاموشی سے شادی کر لی ہے۔
بھارتی میڈیا کے مطابق حال ہی میں ایک سوشل میڈیا ویب سائٹ پر صارف نے نرگس فخری کی خفیہ شادی کی تصاویر شیئر کیں جو ان کے قریبی رشتہ داروں نے انسٹاگرام پر پوسٹ کی تھیں۔
شادی کے بعد جوڑا ہنی مون منانے سوئٹزرلینڈ چلا گیا تاہم اب تک نرگس فخری اور ان کے دوست ٹونی بیگ نے شادی کی تصدیق یا تردید نہیں کی ہے۔
ہانیہ عامر اور دلجیت دوسانجھ کی ممکنہ جوڑی؟ سردار جی 3 میں شمولیت کی افواہیں زیر گردش
پہلی تصویر میں ایک بڑا سفید کیک نظر آ رہا ہے، جس پر سفید پھولوں کی سجاوٹ کی گئی تھی، کیک کے اوپر دُلہن اور دُلہا کے نام کے ابتدائی حروف لکھے ہوئے تھے۔
ایک اور تصویر میں نرگس اورٹونی کی شادی کے داخلی دروازے کی سجاوٹ دکھائی گئی، جہاں ان کی تقریب کا ایک خوبصورت سائن بورڈ موجود تھا۔
اس بورڈ پر جوڑے کے نام ”نرگس اور ٹونی“ واضح طور پر لکھے ہوئے تھے، رپورٹس کے مطابق نرگس اور ٹونی نے لاس اینجلس کے بیورلی ہلز میں فور سیزنز ہوٹل میں شادی کی۔
اطلاعات کے مطابق ٹونی بیگ لاس اینجلس میں مقیم ہیں، شادی کے بعد نرگس نے سوئٹزرلینڈ میں اپنی چھٹیاں گزارنے کی جھلکیاں شیئر کیں، جو ان کے ہنی مون کی طرف اشارہ کرتی ہیں۔
اسی سال کے شروع میں نرگس نے دبئی میں ٹونی بیگ کے ساتھ نیا سال منایا تھا، حیرت کی بات یہ ہے کہ ان کے سابقہ دوست، اُدے چوپڑا بھی اس تقریب میں موجود تھےاور ان تصاویر نے سب کو حیران کر دیا تھا۔
