معروف یوٹیوب اسٹارنادر علی کے چینل پی 4پکاؤ کے لیے ایک اوراعزاز

انٹرنیٹ کی دنیا پر معروف ترین وڈیو ویب سائٹ یوٹیوب پر پاکستان کے پرینک اسٹار نادر علی کے چینل پی 4پکاؤ کو پاکستان میں سب سے زیادہ پسندیدہ اور دیکھے جانے والے چینل کااعزاز حاصل ہوگیا ۔

کراچی سے تعلق رکھنےوالےمعروف یوٹیوب اسٹار نادرعلی اپنے یوٹیوب چینل کے ذریعے کروڑوں افراد کےچہرے پر مسکراہٹ بکھیرنے کی وجہ بن گئے، نادرعلی کے چینل پی 2 پکاؤ کو 2019 میں 30کروڑ20 لاکھ سے زائدبار یوٹیوب پر دیکھا گیا ۔

نادر علی نے اپنے کیرئرکا آغاز ذراہٹ کے نامی پروگرام سے کیا تھا بعد ازاں انہوں نے ویڈیو ویب سائٹ یوٹیوب پر پرینک اپلوڈ کرنے کاسلسلہ شروع کیا اور آج لاکھوں لوگ ان کے مداح ہیں ۔

یہ بھی پڑھیں: قسمت پر بھی یقین ہے لیکن اس سے پہلے محنت کرنے کی قائل ہوں ‘ نیلم منیر

نادر علی نے اس حوالے سے سماجی رابطے کی ویب سائٹ فیس بک پراپنے ناضرین کاشکریہ اداکرتے ہوئے کہا ہے کہ  ‘ اس پیار کا بے حد شکریہ جو پچھلے 4 سالوں میں آپ نے مجھے دیا ہے ،امید ہے 2020میں اس میں مزیداضافہ ہوگا ‘ ۔

نادر علی یوٹیوب پر اپلوڈ کی گئی پرینک ویڈیوز میں مختلف دلچسپ کرداروں میں نظر آتے ہیں اور شائقین ان کی بے ساختہ اور مزاحیہ حرکات پر انہیں خوب داد دیتے ہیں ، نادر علی کو کو پاکستانی یوٹیوب کمیونٹی میں اب تک سب سے زیادہ سبسکرائبر رکھنے کا اعزاز بھی حاصل ہے۔