نادیہ جمیل نے اپنی سرجری کے حوالے سے مداحوں کوخوشخبری سنادی

کراچی:پاکستان کی نامور اداکارہ و سماجی کارکن نادیہ جمیل نے اپنی سرجری کے حوالے سے مداحوں کو اچھی خبر سنادی، انہوں نے اپنے مداحوں سے کہا کہ وہ اب پہلے سے کافی بہتر ہیں۔

معروف اداکارہ و سماجی کارکن نادیہ جمیل نے مائیکرو بلاگنگ سائٹ ٹوئٹر پر اپنی ایک تصویر شیئر کی جس میں نادیہ جمیل مْسکرا رہی ہیں اور پیغام میں اپنی صحت کے متعلق آگاہ کررہی ہیں۔

نادیہ جمیل نے ٹوئٹر پر اپنی تصویر شیئر کرتے ہوئے لکھا کہ میرے پیاری ٹوئٹر فیملی، میری سرجری ختم ہوچکی ہے اور میں اب اچھے سے صحتیاب ہو رہی ہوں۔انہوں نے مداحوں کا شکریہ ادا کیا کہ انہوں نے مجھے ایسے موقع پر یاد رکھا۔

Dear twitter family,Out of surgery & recovering well. On the 20th I find out if the cancer has spread & the treatment plan frm here onwards.
Please pray 4 me 2be positive & surrender 2 whatever Allahs will is.
Hope you are all doing well!
I love you so much! #cancerfighter ✊???????????? pic.twitter.com/JeMQuzscVc

— Nadia Jamil (@NJLahori) April 15, 2020

نادیہ جمیل نے لکھا کہ20 تاریخ کو مجھے یہ معلوم ہوا تھا کہ مجھ میں کینسر پھیل گیا ہے اور اِس کا علاج معالجے کا منصوبہ اِس طرح شروع ہوگا۔اْنہوں نے لکھا کہ ’براہ کرم آپ لوگ میرے لیے دْعا کریں کہ میں اِس مشکل گھڑی میں مثبت رہوں اور جو کچھ بھی ہو اللہ کی مرضی سے ہو۔

نادیہ جمیل نے مداحوں کی خیریت دریافت کی امید ظاہر کی،یاد رہے کہ نادیہ جمیل نے رواں ماہ 3 اپریل کو اپنے ایک ٹوئٹ کے ذریعے اپنے مداحوں کو اِس بات سے آگاہ کیا تھا کہ اْن کو بریسٹ کینسر(چھاتی کا سرطان) کی تشخیص ہوئی ہے۔