ندا یاسرنے اپنی صحت سے متعلق سوشل میڈیا پر پھیلی خبروں کو من گھڑت قرار دیدیا

لاہور:اداکارہ اور کمپیئر ندا یاسر نے سوشل میڈیا پر پھیلی خبروں کو من گھڑت قرار دیکر مسترد کردیا اور کہا ہے کہ اللہ کا شکر ہے کہ میری صحت پہلے کے مقابلے کافی بہتر ہوگئی ہے۔

اداکارہ ندا یاسر ان کے شوہر یاسر نواز سمیت اور ان کی بیٹی میں 25 مئی کو کورونا کی علامات پائی گئی تھیں، جبکہ مارننگ شو میں ان کے ساتھ شرکت کرنے والے نوید رضا کا بھی ٹیسٹ مثبت آیا تھا۔

بعض لوگوں کی جانب سے یہ کہا جارہا تھا کہ ندا یاسر کے مارننگ شوز میں شرکت کرنے والی کچھ شخصیات اور ان کے عملے کے کچھ ارکان بھی کورونا وائر س کا شکار ہوسکتے ہیں۔

اداکارہ نے انسٹاگرام پر اپنی فریش تصویر شیئر کرتے ہوئے واضح کیا کہ ان کی صحت بہتر ہے اور وہ اہل خانہ سمیت گھر پر ہیں۔ انہوں نے اپنے چاہنے والوں سے خصوصی دعاؤں کی اپیل کی ہے، تاہم ایسی ویڈیوز میں کوئی مستند ذریعہ نہیں دیا گیا تھا۔

https://www.instagram.com/p/CA4o4-jJVyg/

تاہم اس حوالے سے ندا یاسر نے دعویٰ کیا تھا کہ ان کے عملے سمیت گھرکے ملازمین میں کورونا کی کسی قسم کی علامات نہیں پائی گئی ہیں۔ جبکہ ان کے بیٹوں میں بھی کورونا وائرس منتقل نہیں ہوا۔

ندا یاسر نے تصدیق کی تھی کہ ان کی بیٹی اور ان کے شوہر اور ان میں مرض کی تشخیص ہوئی ہے۔ شو میں اداکار نوید رضا کے ساتھ شرکت کرنے والی اداکارہ علیزے شاہ نے بھی کورونا کا ٹیسٹ کروایا تھا مگر ان کا ٹیسٹ بھی منفی آیا تھا۔جبکہ ندا یاسر کا کہنا تھا کہ سوشل میڈیا پر ان کے متعلق غلط خبروں کو پھیلایا جارہا ہے۔

گزشتہ دنوں ندا یاسر کی صحت کے حوالے سے افواہیں گردش کرنے لگیں کہ وہ ذہنی طور پر بہت پریشان ہیں جبکہ ان افواہوں کے جواب میں انہوں سوشل میڈیا پر وضاحت جاری کی ہے۔