نیب کامسلم لیگ ن کے رہنماء رانا ثنااللہ کو 19 فروری کو پیش ہونے کا حکم

لاہور: قومی احتساب بیورو نے سابق وزیر قانون پنجاب اور مسلم لیگ ن کے مرکزی رہنماء  رانا ثناءاللہ کو آمدن سے زائد اثاثہ کیس میں ایک دفعہ پھر طلب کر لیاہے۔ 19 فروری کو تحقیقاتی ٹیم کے سامنے پیش ہونے کی ہدایت کی گئی ہے۔

نیب نے رانا ثنا اللہ سے ان کی فیملی اراکین کو تحائف دینے کیلئے رقم کے ذرائع بھی پوچھ لیے ہیں اورکاروباری شراکت داری کی تفصیل بھی فراہم کرنے کا کہا گیا ہے۔

مزید پڑھیں: جھوٹے مقدمے پر حکومت بے نقاب ہورہی ہے ، کیس کااوپن ٹرائل ہوناچاہیے، راناثنااللہ

نیب نے پوچھا ہے کہ  پیسے کہاں سے آئے، جائیداد کیسے بنائی، بتایا جائے، کاروبار کیسے شروع کیا اوراس کے لیے سرمایہ کہاں سے آیا۔رانا فیملی کے دیگر افراد کے اثاثوں کی مجموعی تعداد اور ان میں کتنا اضافہ ہوا اس کا بھی ریکارڈ مانگا گیا ہے۔

نیب کی جانب سے رانا ثناء اللہ کو فیملی اراکین کی جائیدادوں کے حوالے سے تفصیلات بھی اپنے ہمراہ لانے کی ہدایت بھی کی گئی ہے جبکہ اثاثہ جات پرفارما سے متعلق بھی وضاحت مانگی ہے۔