گوگل نیوز پر ہمیں فالو کریںکراچی: امریکی بلاگر سنتھیا ڈی رچی نے ملک بدر کرنے کے مطالبات پر حیرت کا اظہار کرتے ہوئے ان کا نام ایگزیٹ کنٹرول لسٹ میں ڈالنے کا مشورہ دیدیا ہے۔
پاکستان پیپلزپارٹی کی قیادت پر سنگین نوعیت کے الزامات عائد کرنیوالی امریکی بلاگر سنتھیا ڈی رچی نے اپنے ٹوئٹر پیغام میں کہا ہے کہ میرے خلاف قانونی چارہ جوئی میں سنجیدہ ہیں تو مجھے ملک بدر کرنے کا مطالبہ کیوں کررہے ہیں ، میرا نام تو ای سی ایل میں ڈالنا چاہیے تاکہ میں بھاگ نہ سکوں۔
ان کا کہنا ہے کہ اگر میں نے غلط کیا ہے تو مجھے نتائج کا سامنا کرنا چاہئے ، کیا یہ جماعتیں چاہتی ہیں کہ میں واپس چلی جاؤں ؟ اور یہ نہیں چاہتے کہ لوگ میری آواز سنیں۔
امریکی بلاگر سنتھیا ڈی رچی کا کہنا ہےکہ رحمان ملک کی طرف سے ہرجانے کا نوٹس نہیں ملا، انہوں نے طنزیہ انداز میں کہا کہ کیسے ممکن ہے کہ ہراسانی کے لیے میرا نمبراور ایڈرس لیک کرنے والوں کو درست پتہ معلوم نہ ہو؟ کیا میں یہ سمجھوں کہ پیپلزپارٹی نے قانونی نوٹس غلط ایڈرس پر بھیج دیا ہے؟۔
سنتھیا رچی کا کہنا ہے کہ میں ریاضی میں اچھی نہیں مگر سنا ہے کہ نوٹس میں 50 ارب روپے کی رقم درج ہے، اتنی بڑی رقم سے سندھ میں جنسی زیادتی کی روک تھام کا پروگرام شروع کیا جاسکتا ہے۔
مزید پڑھیں: مجھے رحمان ملک و پیپلز پارٹی کی اعلیٰ قیادت نے زیادتی کا نشانہ بنایا، سنتھیا رچی
ان کا کہنا ہے کہ میں اپنی بات پر قائم ہوں اور عدالتوں میں مقدمات کا سامنا کروں گی، یہ لوگ چاہتے ہیں کہ میں ملک سے چلی جاؤں لیکن میں ان کو بے نقاب کرکے رہوں گی۔
???? Why would anyone try to get me ‘deported’ if they were serious about pursuing ‘legal’ cases against me? Why not demand ECL?
If I’ve done wrong, I should face the consequences, correct?
Or do these parties want me gone bc they don’t want the world to hear what I have to say?
— Cynthia D. Ritchie (@CynthiaDRitchie) June 10, 2020
