گوگل نیوز پر ہمیں فالو کریںلاہور:راولپنڈی اور اسلام آباد میں دھرنا اور احتجاج ختم کرنے کی خبروں پر ترجمان پنجاب حکومت مسرت جمشید چیمہ کا ردعمل سامنے آیا ہے۔
مسرت جمشید چیمہ نے کہا کہ پارٹی کی جانب سے ایسی کوئی ہدایات جاری نہیں کی گئیں، ایسی خبروں میں کسی صورت کوئی صداقت نہیں ہے۔
انہوں نے کہا کہ راولپنڈی اور اسلام آباد کے احتجاج جاری رہیں گے، وزیر آباد سے شروع ہونیوالے حقیقی آزادی مارچ میں قافلوں کی شرکت یقینی بنانے کیلئے باقی اضلاع میں احتجاج ختم کیا جا رہا ہے۔
مسرت جمشید چیمہ نے کہا کہ حقیقی آزادی مارچ اپنی پوری قوت کے ساتھ شروع کرنے جارہے ہیں، عمران خان کی ہدایت پر ہر صورت حقیقی آزادی مارچ کو اسلام آباد پہنچایا جائے گا۔
مزید پڑھیں:لیگی رہنما پرویز رشید کی نازیبا ویڈیو بھی لیک، پی ٹی آئی رہنماؤں کی مذمت
ترجمان پنجاب حکومت کا مزید کہنا تھا کہ پورے ملک میں احتجاج کا شیڈول پارٹی کی طرف سے جاری کردیا گیا ہے۔
