گوگل نیوز پر ہمیں فالو کریںکراچی :سندھ حکومت کے ترجمان بیرسٹر مرتضیٰ وہاب نے صوبے میں کل سے کرفیو کے نفاذ کے حوالے سے خبرکی تردید کردی ہے۔
ترجمان سندھ حکومت بیرسٹر مرتضیٰ وہاب کا کہنا ہے کہ صوبے میں کرفیو کے نفاذ کا کوئی فیصلہ نہیں کیا۔
انہوں نے کہا کہ سوشل میڈیا پر ایک نجی چینل کے توسط سے چلنے والی کرفیو کی خبر میں کوئی صداقت نہیں ہے،کرفیو سے متعلق خبر سراسر غلط ہے،عوام گمراہ کن خبروں پر کان نہ دھریں۔
سندھ حکومت بیرسٹر مرتضیٰ وہاب نے عوام سے اپیل کرتے ہوئے کہا ہے کہ وہ احتیاط ضرور برتیں اور کورونا وائرس کی روک تھام میں اپنا اور حکومت کا ساتھ دیں۔
مزید پڑھیں: وفاقی حکومت نے لاک ڈاؤن سخت کرنیکی وارننگ دیدی
