گوگل نیوز پر ہمیں فالو کریںکراچی: انسداد دہشتگردی کی عدالت نے بانی ایم کیو ایم کی اشتعال انگیز تقاریر کے 2 مقدمات میں ایم کیو ایم رہنماؤں پر فرد جرم عائد کردی ۔
کراچی کی انسداد دہشتگردی کی خصو صی عدالت میں بانی ایم کیو ایم کی اشتعال انگیز تقاریر سے متعلق ایم کیو ایم رہنماؤں کے خلاف مقدمات کی سماعت ہوئی، کمرہ عدالت میں ملزمان نے صحت جرم سے انکار کر دیا جس پر عدالت نے آئندہ سماعت پر گواہوں کو طلب کر لیا۔
جن ملزمان پر فرد جرم عائد کی گئی ان میں فاروق ستار، عامر خان، خواجہ اظہار الحسن، میئر کراچی وسیم اختر اور محمد جاوید شامل ہیں، کراچی کے مختلف تھانوں میں ایم کیو ایم کے موجودہ اور سابق رہنماؤں کے خلاف اشتعال انگیز تقاریر سے متعلق مقدمات درج ہیں۔
یہ بھی پڑھیں: دہشتگردوں کی مالی معاونت میں ایم کیو ایم لندن کے رہنما واسیع جلیل کا نام سامنے آگیا
