ایم کیو ایم کے رہنما فیصل سبزواری اہلخانہ سمیت کورونا وائرس میں مبتلا گئے

کراچی: متحدہ قومی موومنٹ (ایم کیو ایم پاکستان) رابطہ کمیٹی کے سینئر رکن فیصل سبزواری اہلخانہ سمیت کورونا وائرس کا شکار ہوگئے۔ اس حوالے سے انہوں نے سماجی رابطے کی ویب سائٹ ٹوئٹر پر جاری  پیغاممیں بتایا کہ گزشتہ دنوں میرے والدین، زوجہ اور دو بیٹیاں کورونا میں مبتلا ہوئے، آج میرا بھی کورونا ٹیسٹ مثبت آ گیا ہے۔

گذشتہ دنوں میرے والدین،زوجہ،2 بیٹیاں کورونا میں مبتلا ہوئے۔
آج میرا کورونا ٹیسٹ بھی مثبت آگیا ہے۔
اہل خانہ میں صرف منجھلی بیٹی اور مدیحہ کے کورونا ٹیسٹ منفی آئے ہیں۔
تمام احباب سے دعا کی درخواست ہے۔
خدارا احتیاط کریں، محفوظ رہیں، کیونکہ ہسپتالوں میں جگہ کا کال ہے#CoronaIsReal

— Faisal Subzwari (@faisalsubzwari) June 4, 2020

فیصل سبزواری نے بتایا کہ اہلخانہ میں صرف منجھلی بیٹی اور ان کی دوسری اہلیہ مدیحہ نقوی کے کورونا ٹیسٹ منفی آئے ہیں۔فیصل سبزواری نے تمام احباب سے دعا کی درخواست کرتے ہوئے عوام سے اپیل کی ہے کہ وہ گھروں میں رہیں کیونکہ اسپتالوں میں جگہ نہیں ہے۔

یاد رہے کہ اس وقت فیصل سبزواری سمیت اہم شخصیات کورونا سے متاثر ہو چکی ہیں۔ متاثرہ افراد میں سیاسی، سماجی، سرکاری اور پولیس افسران سمیت شوبز ستارے بھی شامل ہیں۔فیصل سبزواری نے عوام سے اپیل کی ہے کہ احتیاطی تدابیر پر ضرور عمل کریں۔

گزشتہ روز سندھ میں کورونا وائرس سے وزیر کچی آبادی سندھ مرتضیٰ بلوچ اپنی جان کی بازی ہار گئے تھے، جبکہ پی پی سینیٹر مولا بخش چانڈیو بھی کورونا وائرس سے متاثر ہیں۔ جماعت اسلامی کے رکن سندھ اسمبلی عبدالرشید، ایس ایس پی کورنگی فیصل عبداللہ کا ٹیسٹ بھی پازیٹو آیا۔

تحریک انصاف کے عبدالسلام آفریدی، کامران بنگش، ضیاء اللہ بنگش اور امجد آفریدی کورونا سے صحت یاب ہو چکے ہیں۔ بلوچستان عوامی پارٹی کے رکن اسمبلی شفیق آفریدی بھی صحتیاب ہو چکے ہیں۔جبکہ گورنر سند ھ عمران اسماعیل بھی کورونا وائرس سے صحت یاب ہوچکے ہیں۔