گوگل نیوز پر ہمیں فالو کریںنئی دہلی: معروف بھارتی عالمِ دین اور اسلامی مفکر مولانا وحید الدین خان کورونا وائرس کا شکار ہو کر96 برس کی عمر میں انتقال کر گئے۔انہوں نے اپنے پسماندگان میں 2 بیٹیاں اور 2 بیٹے چھوڑے ہیں۔
تفصیلات کے مطابق مولانا وحید الدین خان نے اسلام کے موضوع پر لاتعداد تخلیقات کیں اور کتابیں لکھیں۔ حال ہی میں کورونا وائرس میں مبتلا ہونے والے عالمِ دین مولانا وحید الدین خان کو نئی دہلی کے اپولو ہسپتال میں داخل کرایا گیا تھا۔
سماجی رابطے کی ویب سائٹ ٹؤئٹر پر اپنے پیغام میں مولانا وحید الدین خان کے صاحبزادے نے کہا کہ ہم مولانا وحید الدین کے انتقال پر بے حد غمزدہ ہیں۔ان کی زندگی کا مشن دعوتِ دین تھا۔ انہوں نے مولانا وحید الدین کیلئے دعا کی درخواست بھی کی۔
Inna lillahi wa inna ilayhi rajioon.
It is with deep sorrow that we announce the passing away of Maulana Wahiduddin Khan.
He has left us as one big family to stay united and work for the cause of dawah. Please do dua.
Dr Saniyasnain Khan
— Maulana Wahiduddin Khan (@WahiduddinKhan) April 21, 2021
اسلام کے موضوع پر 200 سے زائد کتب تحریر کرنے والے مولانا وحید الدین خان نے قرآنِ پاک کی تفسیر پر بھی کام کیا۔ جمعیت علمائے ہند سے طویل عرصے سے وابستہ مولانا وحید الدین خان کو پدما وی بھوشن ایوارڈ سے بھی نوازا گیا۔
بھارتی وزیرِ اعظم نریندر مودی نے مولانا وحید الدین کے انتقال پر افسوس کا اظہار کرتے ہوئے کہا کہ مولانا کو روحانیت اور مذہبی موضوعات پر قابلِ قدر علم کیلئے ہمیشہ یاد کیا جائے گا۔
وزیرِ اعظم نریندر مودی نے کہا کہ مولانا وحید الدین خان سماجی خدمات اور عوامی مسائل کے حل کیلئے بہت متحرک رہتے تھے۔ میں مولانا وحید الدین کے اہلِ خانہ، دوستوں اور بے شمار خیر خواہوں سے تعزیت کا اظہار کرتا ہوں۔
Saddened by the passing away of Maulana Wahiduddin Khan. He will be remembered for his insightful knowledge on matters of theology and spirituality. He was also passionate about community service and social empowerment. Condolences to his family and countless well-wishers. RIP.
— Narendra Modi (@narendramodi) April 22, 2021
یہ بھی پڑھیں: بی ایس ایف کا ایک مرتبہ پھر جاسوس کبوتر پکڑے کا دعویٰ، مقدمہ درج کرنے کا مطالبہ
