موٹر سائیکل چوری کی وارداتوں میں ملوث قاضی گینگ کا سرغنہ ساتھی سمیت گرفتار

راولپنڈی پولیس نے موٹر سائیکل چوری کی وارداتوں میں ملوث قاضی گینگ کے سرغنہ کو ساتھی سمیت گرفتار کر لیا ہے۔ ملزمان کے قبضے سے موٹر سائیکلز اور رکشے بھی برآمد کیے گئے ہیں۔

تفصیلات کے مطابق راولپنڈی کی وارث خان پولیس نے موٹر سائیکل چوری کی وارداتوں میں ملوث قاضی گینگ کے سرغنہ کو ایک ساتھی سمیت حراست میں لے لیا۔ ملزمان کے قبضے سے 11 چوری شدہ ملوٹر سائیکلز برآمد ہوئیں۔

یہ بھی پڑھیں:

راولپنڈی میں چوری میں ملوث 3 ملزمان گرفتار، 6 موٹر سائیکلز برآمد

وارث خان پولیس کا کہنا ہے کہ گرفتار ملزمان کے قبضے سے 4 رکشے بھی برآمد ہوئے۔ ایس پی راول بابر جاوید جوئیہ کے مطابق گرفتار ملزمان کو ٹھوس شواہد کے ساتھ چالان کرکے قرار واقعی سزا دلوائی جائے گی۔، 

خیال رہے کہ راولپنڈی میں اسٹریٹ کرائمز اور موٹرسائیکل چوری کی وارداتوں کو روکنے کیلئے پولیس متحرک ہے۔اس سے قبل پولیس نے کارروائی کرتے ہوئے چوری کی وارداتوں میں ملوث 3 ملزمان کو گرفتار کرلیا۔

گزشتہ ماہ راولپنڈی کینٹ پولیس نے کارروائی کرتے ہوئے موٹر سائیکل چوری کی وارداتوں میں ملوث 3 ملزمان کو حراست میں لے لیا۔ ملزمان کے قبضے سے چوری کی گئی 6 موٹر سائیکلز برآمد ہوئیں۔