گوگل نیوز پر ہمیں فالو کریںدبئی: رواں سال کی پہلی سہ ماہی میں 3 ہزار سے زائد پاکستانی کمپنیوں نے دبئی چیمبر آف کامرس میں شمولیت اختیار کی ہے۔
سال رواں 2023 کی پہلی سہ ماہی میں تین ہزار300 پاکستانی کمپنیوں نے دبئی چیمبر آف کامرس میں شمولیت اختیار کی۔ متحدہ عرب امارات میں ملک کے اعلیٰ سفارتکار نے اسے پاکستانی کاروبار کی متحرکیت اور سرمایہ کاری کی منزل کے طور پر متحدہ عرب امارات کی بڑھتی ہوئی کشش کی عکاسی قرار دیا۔
چیمبر نے اس ہفتے جاری کردہ ایک بیان میں کہا کہ پہلی سہ ماہی کے دوران مجموعی طور پر 30 ہزار 146 نئی کمپنیاں شامل ہوئیں۔ ہندوستان چھ ہزار 717 نئی کمپنیوں کے ساتھ اس فہرست میں سرفہرست ہے۔ اس کے بعد یو اے ای ہے جس نے چار ہزار445 فرمیں رجسٹر کی ہیں۔
تاریخ میں پہلی بار جیل میں یوٹیلیٹی اسٹور کھل گیا
پاکستان تین ہزار 395 نئے کاروباری اداروں کے ساتھ تیسرے نمبر پر ہے، جو کہ گذشتہ سال کی پہلی سہ ماہی سے 59 فیصد زیادہ ہے۔ مجموعی طور پر دبئی چیمبرز کے ساتھ پاکستانی کمپنیوں کی تعداد 40 ہزار315 تک پہنچ گئی۔
پاکستانی سفیر فیصل نیاز ترمذی نے کہا کہ یہ واقعی ایک مثبت پیشرفت ہے۔گزشتہ سال کے دوران، امارات میں پاکستانی تارکین وطن کی تعداد تقریباً 1.6 ملین سے بڑھ کر 1.8 ملین ہو گئی ہے۔
