بھارتی وزیر کی قریبی ساتھی کے گھر سے 15 کروڑ سے زائد رقم برآمد

ممبئی: بھارتی میڈیا کی ایک رپورٹ میں بتایا گیا ہے کہ مغربی بنگال کے وزیر کی قریبی ساتھی کے گھر سے 15کروڑ روپیسے زائد رقم برآمد کی گئی ہے۔

بھارتی میڈیا رپورٹ میں کہا گیا ہے کہ بھارتی ریاست مغربی بنگال کے وزیرپارتھا چیٹرجی کی قریبی ساتھی ارپیتا مکھرجی کے کولکتہ میں بلغاریہ ٹاؤن کلب میں واقع فلیٹ پر انفورسمنٹ ڈائریکٹوریٹ کے چھاپے کے دوران 15کروڑ سے زائد کی بھارتی کرنسی برآمد کی گئی ہے۔

انفورسمنٹ ڈائریکٹوریٹ کی جانب سے ارپیتا مکھرجی کے کولکتہ ہی کے ایک اور گھر پر چھاپے کے دوران بھی 21 کروڑ روپے برآمد کیے گئے تھے۔

بھارتی میڈیا کے مطابق ارپیتا مکھرجی کے گھر سے چھاپے کے دوران نقد رقم کے علاوہ 3 کلوگرام سونا بھی برآمد ہوا ہے۔جسے تحویل میں لے لیا گیا ہے۔