گوگل نیوز پر ہمیں فالو کریںراولپنڈی: سابق وزیراعظم عمران خان کی سہولتکاری کے الزام میں اڈیالہ جیل کے مزید 6 ملازمین کو حراست میں لے لیا گیا ہے جن میں 3 خواتین بھی شامل ہیں۔
نجی ٹی وی جیو نیوز نے ذرائع کے حوالے سے اپنی رپورٹ میں کہا ہے کہ حراست میں لیے گئے ملازمین میں ایک خاتون سوئپر، 2 لیڈی وارڈنز اور سی سی ٹی وی کیمروں کی نگرانی کرنے والے 3 اہلکار شامل ہیں جن سے تفتیش کی جارہی ہے۔
رپورٹ میں ذرائع کے حوالے سے کہا گیا ہے کہ خواتین اسٹاف جیل میں سابق خاتونِ اوّل بشریٰ بی بی اور بانی پی ٹی آئی عمران خان کے مابین پیغام رسائی کررہا تھا جبکہ حراست میں لیے گئے ملازمین کے موبائل فونز بھی تحویل میں لے لیے گئے۔
سابق وزیراعظم عمران خان کی اڈیالہ جیل میں نگرانی کیلئے افرادی قوت بڑھا دی گئی۔ یاد رہے کہ اس سے قبل سکیورٹی اداروں نے عمران خان کی سہولت کاری کے الزام میں اڈیالہ جیل کے ڈپٹی سپرنٹنڈنٹ مھمد اکرم کو بھی تحویل میں لے لیا تھا۔
سکیورٹی اداروں نے اسسٹنٹ سپرنٹنڈنٹ بلال سے بھی پوچھ گچھ کی، جبکہ حال ہی میں سامنے آنے والے بیانات سے پتہ چلتا ہے کہ سکیورٹی اداروں کی کارروائیوں پر پی ٹی آئی قیادت کو تشویش ہے۔
