گوگل نیوز پر ہمیں فالو کریںاسلام آباد: ملک بھر میں کورونا وائرس کے کیسز میں اضافہ ہورہا ہے۔ پاکستان میں مزید 52 افراد کے اجسام میں کورونا وائرس کی تصدیق ہوئی جس کے بعد متاثرہ افراد کی تعداد 1074 ہو گئی ہے۔
کورونا وائرس کے باعث صوبہ سندھ سب سے زیادہ متاثر ہوا۔ سندھ میں کورونا وائرس کے کیسز کی تعداد 413، صوبہ پنجاب میں 323 جبکہ بلوچستان میں 119 افراد کے اجسام میں کورونا وائرس کی تصدیق ہوئی۔
صوبہ خیبر پختونخواہ میں 121، گلگت بلتستان میں 81 ، وفاقی دارالحکومت اسلام آباد میں 16 جبکہ آزاد کشمیر میں 1 شخص کے جسم میں کورونا وائرس پایا گیا۔ ملک بھر میں کورونا وائرس کے باعث 8 افراد جاں بحق ہوئے ہیں۔
خیبر پخوانخواہ میں سب سے زیادہ 3 اموات ہوئیں جبکہ پنجاب، سندھ، بلوچستان، اسلام آباد اور گلگت بلتستان میں کورونا وائرس نے ایک ایک فرد کی جان لے لی۔
یاد رہے کہ اس سے قبل دنیا بھر میں کورونا وائرس کے باعث مزید 2 ہزار 376 افراد ہلاک ہو گئے جس کے نتیجے میں اب تک مجموعی اموات کی تعداد 21ہزار283 ہو گئی ہے۔
کورونا وائرس کے باعث متاثر ہونے والے افراد کی تعداد میں بھی اضافہ ہو رہا ہے۔ موجودہ اعدادوشمار کے مطابق وائرس سے 4 لاکھ 71ہزار سے زائد افراد متاثر ہوچکے ہیں۔
مزید پڑھیں: کورونا وائرس سے مزید 2 ہزار 376 افراد ہلاک ہو گئے
