منی لانڈرنگ کے اہم کردار مقصود چپڑاسی انتقال کرگئے

اسلام آباد: منی لانڈرگ کیس کے اہم کردار مقصود چپڑاسی انتقال کرگئے۔

تفصیلات کے مطابق مقصود چپڑاسی حرکت قبل بند ہونے سے انتقال کرگئے  ہیں، مقصو د چپڑاسی حالیہ دنوں میں بیرون ملک مقیم تھے۔

مقصود چپڑاسی کے اکاؤنٹ میں کرؤڑوں روپے نکلنے کا دعویٰ شہزاد اکبر نے کیا تھا، مقصود چپڑاسی کے اکاؤنٹ میں پیسے آنے کے بعد ان کو منی لانڈرنگ کیس میں شامل کیا گیا تھا ۔

یہ بھی پڑھیں: قوم سے وعدے کرنے والا منی دجال کون ہے؟ریحام خان کا اہم انکشاف

کیس کی تفتیش کے دوران ہی مقصود چپڑاسی کو دل کی تکلیف ہوئی تھی۔ مقصود کے اہل خانہ نے ان کے انتقال پر کچھ کہنے سے گریز کیا تاہم ان کے قریبی ذرائع نے تصدیق کی کہ مقصود انتقال کرگئے ہیں۔

ن لیگ کا موقف تھا کہ شریف خاندان سے منسلک ملازمین کو دوران تفتیش ہراساں کیا جاتا رہا جس کے وجہ سے وہ مختلف بیماریوں کا شکار ہوئے۔

قبل ازیں شریف خاندان کے ملازم فضل داد بھی انتقال کرچکے ہیں۔