دعا زہرہ کاظمی کے بعد ایک اور بچی لاپتہ، والدین پر قیامت ٹوٹ پڑی

کراچی ی دعا زہرہ کاظمی کے بعد فیصل آباد سے بھی ایک ایک بچی لاپتہ ہوگئی، ریحا نامی لڑکی کے لاپتہ ہونے سے والدین شدت غم سے نڈھال ہوگئے۔

سوشل میڈیا سے ملنے والی اطلاعات کے مطابق ریحا نامی لڑکی گزشتہ 48 گھنٹوں سے سرسید ٹاؤن فیصل آباد سے لاپتہ ہے، والدین پریشان ہیں۔

MissingGirl ⚠️

ریحا نامی یہ بہن گزشتہ 48 گھنٹوں سے سرسید ٹاؤن فیصل آباد سے لاپتہ ہے,کسی نے اسے دیکھا ہو تو درج ذیل نمبرز پر رابطہ کریں۔والدین پریشان ہیں ۔ برائے مہربانی متعلقہ حکام سے اس پوسٹ کی طرف توجہ دلائں۔ ریٹوئٹ اللہ سب کی بیٹیوں کو سلامت رکھے۔
03007201183
03226382820 pic.twitter.com/4ZNCCnVBeT

— Zobia Khurshid Raja (@ZobiaKhurshid) April 24, 2022

واضح رہے کہ چند روز قبل کراچی سے دعا زہرہ کاظمی نامی بچی بھی لاپتہ ہوئی تھی جس کے حوالے سے پولیس تاحال کوئی سراغ نہیں لگا سکی۔

مزید پڑھیں:شیعہ ہونے کی وجہ سے مسجد انتظامیہ نے دعازہرہ کی گمشدگی کے اعلان سے انکار کردیا، والدین کا دعویٰ

دعا زہرہ کے حوالے سے کئی روز سے مختلف متضاد اطلاعات بھی موصول ہورہی ہیں جبکہ دو روز قبل پولیس نے ایک مبینہ سی سی ٹی وی فوٹیج کے حوالے سے دعا زہرہ کے خود گھر سے جانے کا دعویٰ کیا تھاتاہم اس ویڈیو کی بعد میں تردید کردی گئی تھی۔

اس سے قبل پولیس نے سانگھڑ میں چھاپے کے دوران دعا کی بازیابی کا دعویٰ کیا تھا لیکن ان کے والد نے بچی کو پہچاننے سے انکار کردیا تھا۔