گوگل نیوز پر ہمیں فالو کریںپاکستان مسلم لیگ (ن) کے سیکریٹری جنرل و سابق وفاقی وزیر احسن اقبال نے کہا ہے کہ مائنس ون ایجنڈے کا حزبِ اختلاف (اپوزیشن) سے کوئی تعلق نہیں بلکہ یہ تحریکِ انصاف کے اندر موجود ہے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں مسلم لیگ (ن) رہنما احسن اقبال نے کہا کہ مائنس ون ایجنڈا پی ٹی آئی کے اندر سے نکل رہا ہے اور تحریکِ انصاف اراکین اپوزیشن سے رابطے کر رہے ہیں۔
مسلم لیگ (ن) رہنما احسن اقبال نے کہا کہ فرینڈز آف خان کے آگے سینئر وزراء بے بس ہیں جبکہ تحریکِ انصاف اور حکومت میں بد ترین شہنشاہیت کی شکایتیں کی جارہی ہیں۔
احسن اقبال نے کہا کہ اپوزیشن مائنس ون ایجنڈے پر عمل پیرا نہیں جبکہ پاکستان میں تبدیلی لانے کی دعویدار پی ٹی آئی ملک تو تبدیل نہ کرسکی، البتہ اس کے اندر تبدیلی آچکی ہے۔
مائنس ون ایجنڈا اپوزیشن کا نہیں بلکہ PTI کے اندر سے نکل رہا ہے – PTI کے اراکین اپوزیشن سے رابطے کر رہے ہیں – فرینڈز آف خان کے آگے سینئر وزراء بھی بےبس ہیں- پارٹی اور حکومت میں بدترین شہنشاہیت کی شکایتیں کر رہے ہیں – PTI ملک کو تو تبدیل نہ کر سکی البتہ اس کے اندر تبدیلی آ چکی ہے-
— Ahsan Iqbal (@betterpakistan) December 7, 2019
یاد رہے کہ اس سے قبل مسلم لیگ (ن)کے سیکرٹری جنرل احسن اقبال نے کہا کہ وزیر اعظم ایوان کو بتائیں کشمیر پر کیا اقدامات اٹھائے ، اسلامی دنیا کا واحد ملک کیوں بے بس ہے ؟ ہم بھارت پر کیوں دباؤ نہیں ڈال رہے ہیں؟
قومی اسمبلی میں4 دسمبر کو اظہار خیال کرتے ہوئے احسن اقبال نے کہاکہ بھارتی قبضے کے باعث کشمیریوں کا جینا حرام ہوگیا ہے، پاکستانی قوم کشمیر کے ساتھ اظہار یکجہتی کر رہی ہے لیکن دنیا نے کشمیر کو نظر انداز کر رکھا ہے۔
مزید پڑھیں: وزیر اعظم بتائیں کشمیر پر کیا اقدامات اٹھائے گئے، احسن اقبال
