بلیوں کی باتیں سمجھنا اب ہوگا آسان، میاؤں کے ترجمہ کیلئے بھی ایپ تیار

لندن: بلیاں پوری دنیا میں پائی جاتی ہیں اور پاکستان اور یا امریکا، افریقہ ہو یا برطانیہ بلی کی بس ایک ہی زبان ہے اور وہ میاؤں میاؤں کرکے ہی اپنا مدعا بیان کرنے کی کوشش کرتی ہیں جس کو سمجھنے کیلئے ماہرین نے ایک موبائل ایپ تیار کی ہے جس سے میاؤں کا ترجمہ کرکے بلی باتوں کا سمجھنا آسان ہوجائیگا۔

اس میوٹالک نامی ایپ کو ایمیزون کے ایک سابقہ ​​انجینئر نے تیار کیا ہے اور اس ایپ کا مقصد آپ کی بلی کے میاؤ ں کا ترجمہ کرنا ہے ، اس ایپ سے بلی کی آواز کو ریکارڈ کرکے معنی کی نشاندہی کرنے کی کوشش کی جاتی ہے۔

بلی کے مالک کوسکھانے کے لئے اے آئی سافٹ ویئر کے لئے ایک ڈیٹا بیس تشکیل دیا جاتا ہے۔فی الحال ایپ کے ذخیرہ الفاظ میں صرف 13 فقرے ہیں جن میں مجھے کھلاو!،میں ناراض ہوں!اور مجھے تنہا چھوڑ دوشامل ہیں۔

تحقیق سے پتہ چلتا ہے کہ بلیاں اپنے انسانی خادموں کے برعکس ، زبان کا اشتراک نہیں کرتی ہیں۔ہر بلی کا میاؤں منفرد اور اپنے مالک کے مطابق ہوتا ہے جس میں دوسروں کے مقابلے میں کچھ الگ آواز ہوتی ہے۔

مزید پڑھیں:سائنس کا کارنامہ، چھوٹی اشیاء کو روبوٹ میں تبدیل کرنے والا مقناطیسی اسپرے تیار

بلیوں کی آوازوں کے لئے عام ڈیٹا بیس کی بجائے ہر فرد کے پروفائل کے ساتھ ایپ کا ترجمہ مختلف ہوتا ہے۔ایپ گوگل پلے اسٹور اور ایپل کے ایپ اسٹور دونوں پر مفت دستیاب ہے۔