مہوش حیات کی امتحانات ملتوی کرنے کے فیصلے پر شفقت محمود کی تعریف

اداکارہ مہوش حیات نے کورونا وائرس کی تیسری لہر کے دوران امتحانات ملتوی کرنے کے فیصلے پر وفاقی وزیر تعلیم شفقت محمود کی تعریف کی ہے۔

مہوش حیات نے ٹویٹر پیغام میں وزیر تعلیم کا شکریہ ادا کرتے ہوئے کہا کہ بہت خوشی ہوئی کہ آپ نے نوٹس لیا، امتحانات ملتوی کرنا درست فیصلہ ہے۔ تعلیم اہم ہے لیکن کورونا کے دوران طلبہ کی حفاظت بھی ضروری ہے۔

Thank you @Shafqat_Mahmood . So glad that you took notice. Postponing the exams was the sensible decision – education is important but protecting the students in these Covid times was paramount ! #Exams2021

— Mehwish Hayat TI (@MehwishHayat) April 27, 2021

واضح رہے کہ گزشتہ روز وزارت تعلیم نے کیمبرج سمیت ملک بھر میں 15 جون تک تمام امتحانات ملتوی کرنے کا اعلان کیا تھا۔

مزید پڑھیں:کورونا کو افسانہ کہنے والے نظر اور سائے پر یقین رکھتے ہیں، شہزاد رائے

وفاقی وزیر تعلیم شفقت محمود نے کہا تھاکہ 18 اپریل کو ہم نے این سی او سی کا جو آخری اجلاس کیا تھا اس میں فیصلہ کیا گیا تھا کہ امتحانات کا سلسلہ جاری رکھا جائے گا لیکن اس کے بعد سے 27 اپریل تک بیماری میں بہت تیزی سے اضافہ ہوا ہے۔

انہوں نے کہاکہ ہم شاید ایک ایسی صورتحال کی جانب بڑھ رہے ہیں جہاں ہمیں زیادہ انفیکشن کے حامل علاقوں کا لاک ڈاؤن کرنا پڑے لہٰذا اسد عمر کی زیر صدارت ہونے والے این سی او سی اجلاس میں یہ متفقہ فیصلہ کیا گیا کہ 15 جون تک کوئی امتحان نہیں ہوں گے۔

شفقت محمود نے کہا کہ آج سے لے کر 15 جون تک کوئی امتحان نہیں ہو گا اور نویں سے 12ویں جماعت کے جن امتحانات کو مئی کے آخر میں شروع ہونا تھا، انہیں مزید ملتوی کردیا گیا ہے اور 15 جون تک کوئی امتحان نہیں ہو گا۔