گوگل نیوز پر ہمیں فالو کریںاسرائیلی ذرائع ابلاغ نے دعویٰ کیا ہے کہ غزہ میں اسلامی تحریک مزاحمت (حماس) کے سربراہ یحییٰ السنوار نے گزشتہ چند دنوں کے دوران حماس کے ہاتھوں قید اسرائیلیوں سے ملاقاتیں کی ہیں۔
یاد رہے حماس کے رہنما یحییٰ السنوار غزہ میں اسرائیل کو مطلوب افراد کی فہرست میں پہلے نمبر پر ہیں۔ اسرائیلی فوج ان کے خون کی پیاسی ہے۔
اسرائیلی براڈ کاسٹ اتھارٹی نے بتایا کہ یحییٰ السنوار نے غزہ کے محفوظ زیر زمین غار نما بنکروں میں اسرائیلی یرغمالیوں سے ملاقات کی اور ان سے عبرانی زبان میں گفتگو کرتے ہوئے ان سے خیریت دریافت کی۔
روس نے غزہ کو تقسیم کرنے، عالمی تحویل میں دینے کی تجاویز مسترد کردیں
براڈ کاسٹ اتھارٹی نے حال ہی میں رہائی پانے والی ایک یرغمالی خاتون کے حوالے سے بتایا کہ اسیری کے ابتدائی دنوں میں وہ دوسرے چند اسرائیلی قیدیوں کے ہمراہ ایک غار میں تھی کہ جب یحییٰ السنوار ان لوگوں سے ملاقات کرنے آئے۔
اتھارٹی کے مطابق حماس کے رہنما نے اسرائیلی یرغمالیوں کو بتایا کہ ’’آپ لوگ یہاں انتہائی محفوظ ہیں، یہاں آپ کا بال بھی بیکا نہیں ہو گا۔‘‘
اسرائیل کے عبرانی میں نشریات پیش کرنے والے چینل 13 کے مطابق سکیورٹی سے متعلق خفیہ رپورٹس میں اس امر کے واضح اشارے موجود ہیں کہ یحییٰ السنوار یرغمالیوں کی حفاظت کو یقینی بنانے کی خاطر خود کو ان کے قریب رکھتے تھے۔
