گوگل نیوز پر ہمیں فالو کریںراولپنڈی: سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد کا کہنا ہے کہ حکومت قبضہ گروپ ہے، سپریم کورٹ ان سے نجات دلائے گی، سیاستدان عدلیہ سے لڑنے جا رہے ہیں۔
سابق وزیر داخلہ شیخ رشید احمد کا راولپنڈی میں نماز عیدالفطر کی ادائیگی کے بعد میڈیا سے گفتگو کرتے ہوئے کہنا تھا کہجب تک عوام کو ساتھ لے کر نہیں چلیں گے، ملاقاتوں کا کوئی فائدہ نہیں، گاڑی چھوٹ گئی تو فیصلہ سڑکوں پر ہوگا، مذاکرات میں کامیابی کا کوئی امکان نہیں ہے۔
شیخ رشید نے کہا کہ پاکستان کا سارا کاروبار تباہ و برباد ہے، سب پارٹیاں ایک آدمی کو شکست دینے کیلئے اکٹھی ہوئی ہیں،امن و امان کا کوئی خطرہ نہیں، صرف نیتوں میں فتور ہے، اس ملک میں لوگوں پر مسائل کا تودہ گرا ہوا ہے، آئی ایم ایف معاہدہ ابھی تک طے نہیں ہوا۔
مزید پڑھیں:پنجاب اسمبلی: تحریک انصاف نے ٹکٹیں کیسے تقسیم کیں ؟
انہوں نے کہا کہ دنیا نے ہمیں مسترد کر دیا ہے، دنیا ہمیں بآور کرا رہی ہے ملک کے حالات ٹھیک کرو،دنیا میں کوئی ایسا ملک نہیں جو اپنی عدلیہ سے لڑتا ہو، یہ سیاستدان عدلیہ سے لڑنے جا رہے ہیں، اللہ پاکستان کو اس دلدل سے نکالے۔
