گوگل نیوز پر ہمیں فالو کریںبیرونِ ملک پھنسے ہوئے پاکستانیوں کی واپسی کیلئے اپوزیشن اور حکومتی اراکین پر مشتمل کمیٹی کا پہلا اجلاس آج اسلام آباد میں ختم ہوگیا ہے جس کے دوران تارکینِ وطن کو واپس لانے کیلئے اقدامات پر گفتگو ہوئی۔
سماجی رابطے کی ویب سائٹ ٹوئٹر پر اپنے پیغام میں اسپیکر قومی اسمبلی اسد قیصر نے کہا کہ بیرون ممالک میں پھنسے پاکستانیوں کی واپسی کے لئے اپوزیشن اور حکومتی ارکان پر مشتمل کمیٹی کا پہلا اجلاس آج ہوا جس میں تارکین وطن کو واپس لانے کے لیے اٹھائے گئے اقدامات پر بریفنگ دی گئی۔
اسپیکر قومی اسمبلی اسد قیصر نے کہا کہ تارکینِ وطن کی واپسی کے بارے میں وزیر خارجہ شاہ محمود قریشی اور وزیر اعظم کے معاون خصوصی برائے سمندر پار پاکستانیز ذلفی بخاری نے کمیٹی کو آگاہ کیا جبکہ کمیٹی کا مقصد وزارتِ خارجہ سے تعاون کرنا ہے۔
اسد قیصر نے کہا کہ کمیٹی کامقصد وزارت خارجہ، وزارت اوورسیز پاکستانی اور ہیومن ریسورس ڈویلپمنٹ کے ساتھ تعاون کرنا ہے تاکہ ان ممالک میں پاکستان کے سفارتخانوں کے ذریعے تارکین وطن کی ہر ممکن سہولیات کے ساتھ باآسانی واپسی کو یقینی بنایا جاسکے اور ان کی شکایات متعلقہ فورمز کے ذریعے دور کی جاسکیں۔
کمیٹی کامقصد وزارت خارجہ، وزارت اوورسیز پاکستانی اور ہیومن ریسورس ڈویلپمنٹ کے ساتھ تعاون کرنا ہے تاکہ ان ممالک میں پاکستان کے سفارتخانوں کے ذریعے تارکین وطن کی ہر ممکن سہولیات کے ساتھ باآسانی واپسی کو یقینی بنایا جاسکے اور ان کی شکایات کو متعلقہ فورمز کے ذریعے دور کیا جاسکے2/2 pic.twitter.com/EI4xlgvSAH
— Asad Qaiser (@AsadQaiserPTI) June 10, 2020
