گوگل نیوز پر ہمیں فالو کریںپاکستانی فلم انڈسٹری کی معروف اداکارہ میرا نے ملبوسات اور لپ اسٹک میں اپنے نام سے ایک نئی برانڈ متعارف کرانے کا اعلان کرکے مداحوں کو حیران کردیا ہے۔
سماجی رابطے اور فوٹو شیئرنگ کی ویب سائٹ انسٹاگرام پر اپنی ایک پوسٹ میں اداکارہ میرا نے کہا کہ میں جلد ہی اپنی ایک ملبوسات اور لپ اسٹک کی برانڈ میرا جی متعارف کرواؤں گی۔
انسٹاگرام پوسٹ میں اداکارہ میرا نے کہا کہ میں اس وقت امریکی ریاست ہیوسٹن میں ہوں اور پاکستانی قونصلیت اور ریحان صدیقی کی دعوت پر امریکا آئی ہوئی ہوں۔ میرا ارادہ ہے کہ ملبوسات میں اپنے نام سے نئی برانڈ متعارف کراؤں۔
View this post on Instagram
اداکارہ میرا نے ریحان صدیقی کا شکریہ ادا کرتے ہوئے کہا کہ ہم مستقبل قریب میں متعدد ایونٹس منعقد کریں گے۔ میں اپنی ویب سائٹ اور یو ٹیوب چینل جلد شروع کروں گی۔ میں اور ریحان امریکا میں مختصر فلمز بنانے کی منصوبہ بندی کر رہے ہیں۔
میرا نے کہا کہ میں امریکا میں اپنی ملبوسات اور لپ اسٹک کی برانڈ متعارف کرا رہی ہوں۔ میڈیا پر دماغی علاج کے ہسپتال میں بھیجے جانے سے متعلق خبروں کی تردید کرتے ہوئے میرا نے کہا کہ میں پاگل نہیں ہوں۔
اپنی ایک اور پوسٹ میں اداکارہ میرا نے کہا کہ ریحان صدیقی ایک مثبت سوچ کی حامل شخصیت ہیں جو پاکستان اور اس کے ٹیلنٹ کی ترویج پر کام کر رہے ہیں۔ وہ حقیقی پاکستانی ٹائیگر اور پاکستان کا اصل چہرہ ہیں۔
ریحان صدیقی کی مزید تعریف کرتے ہوئے اداکارہ میرا نے کہا کہ وہ عالمی سطح پر پاکستان کی تصویر کو ابھار رہے ہیں۔ میں امریکا میں ریحان صدیقی کے ساتھ صرف کاروبار کروں گی۔
View this post on Instagram
ایک بار پھر ملبوسات اور لپ اسٹک کی اپنی برانڈ متعارف کرانے کا اعلان کرتے ہوئے میرا نے کہا کہ ہم امن اور فلاح و بہبود کیلئے کام کر رہے ہیں۔ ریحان صدیقی کے ساتھ بزنس کا ارادہ رکھتی ہوں۔
یہ بھی پڑھیں: فلم ”باجی“ کی کامیابی سے میرے ناقدین پاگل ہوگئے ہیں، میرا
