لاہور: کورونا وائرس سے سب سے زیادہ متاثرہ ملک امریکا سے پاکستان واپس آنے والی معروف اداکارہ میرا کا کورونا وائرس کا ٹیسٹ منفی آگیا ہے۔
اداکارہ میرا کو امریکا سے وطن واپس آنے کے بعد 14 روز کیلئے قرنطینہ بھیجنے کے ساتھ ان کاکورونا وائرس کا ٹیسٹ کیا گیا تھا جس کا نتیجہ نیگٹوآیا ہے۔
اداکارہ میرا منگل کوواشنگٹن سے لاہور پہنچی تھیں اور انہیں وطن واپس آنے کے بعد مقامی ہوٹل میں قرنطینہ کردیا گیا تھا ۔
اداکارہ میرا کورونا وائرس کی وباء پھیلنے کے بعد نیو یارک میں پھنس گئی تھیں اور انہوں نے حکومت سے پاکستان واپسی کے لئے مدد طلب کی تھی۔
اس سے قبل نیو یارک میں ہوٹل کے کمرے سے جاری کی گئی ایک ویڈیو میں میرا نے وزیر اعظم عمران خان کو مخاطب کرتے ہوئے کہا تھاکہ میں کورونا وائرس کی وجہ سے نیویارک کے ہوٹل میں پھنس گئی ہوں ، وطن واپسی کیلئے میری مدد کی جائے۔
مزید پڑھیں:مایا علی نے مستحقین کیلئے رمضان راشن بیگز بھجوادیئے، تصاویر سوشل میڈیا پر وائرل