مریم نواز نے پاسپورٹ واپسی کی درخواست واپس لے لی

لاہور :پاکستان مسلم لیگ ن کی نائب صدر مریم نواز نے عمرہ پر جانے کے لیے پاسپورٹ کی واپسی کی درخواست واپس لے لی۔

لاہور ہائیکورٹ نے مدعی کی جانب سے درخواست واپس لینے کے بعد درخواست نمٹا دی۔

اس سے قبل مریم نواز کی پاسپورٹ کی واپسی کی درخواست کی سماعت کے لیے تشکیل دیا گیا ،لاہور ہائی کورٹ کا ڈویژن بنچ ایک دن میں دوسری بار تحلیل ہو گیا تھا۔

واضح رہے کہ گزشتہ روزلاہور ہائی کورٹ نے مسلم لیگ ن کی مرکزی نائب صدرمریم نواز کی عمرہ پر جانے کیلئے پاسپورٹ واپسی کی درخواست پر نیب سے جواب طلب کیاتھا۔

مزید پڑھیں:حکومت نے اسحاق ڈار کو پاسپورٹ جاری کر دیا، جلد وطن واپسی کا امکان

درخواست گزار نے موقف اختیار کیا کہ 27 اپریل کو عمرے کی ادائیگی کے لیے جانا چاہتی ہوں، عدالتی حکم پر پاسپورٹ سرنڈر کیا ہوا ہے، عدالت پاسپورٹ واپس کرنے کا حکم دے۔

اس سے پہلے مریم نواز کی درخواست پر جسٹس شہباز رضوی نے سماعت سے معذرت کی تھی۔

نیب پراسکیوٹر فیصل بخاری نے مریم نواز کے پاسپورٹ واپسی کی درخواست پر اعتراض کرتے ہوئے کہا تھا کہ مریم نواز کیخلاف سپریم کورٹ میں کیس اور نیب حملہ کیس بھی زیر التوا ہے۔

انہوں نے کہا کہ ان مقدمات میں ملوث مریم نواز کے علاوہ تمام ملزمان بیرون ملک فرار ہو چکے ہیں، مریم نواز کی ضمانت منسوخی کیلئے سپریم کورٹ میں اپیل دائر ہے لہٰذا ان کی درخواست مسترد کی جائے۔