گوگل نیوز پر ہمیں فالو کریںلاہور: پاکستان مسلم لیگ ( ن ) کی چیف آرگنائزر مریم نواز عمرہ ادائیگی کے لیے سعودی عرب روانہ ہوگئیں۔
مریم نواز سعودی ایئر لائن ایس وی 739 سے رات ساڑھے 2 بجے جدہ روانہ ہوئیں، کیپٹن (ر) محمد صفدر، دونوں بیٹیاں ماہ نور اور مہرالنساء، بیٹا جنید اور بہو عائشہ سیف بھی مریم نواز کے ہمراہ ہیں۔
اس کے علاوہ ڈاکٹر عدنان، چوہدری منیر، راحیل منیر، شیخ آصف اور مرزا جاوید بھی مریم نواز کے ہمراہ ہیں۔
اللّہ حافظ ???????? pic.twitter.com/2ktXW8zm5z
— Maryam Nawaz Sharif (@MaryamNSharif) April 10, 2023
مریم نواز نے سعودی عرب روانگی سے قبل ٹوئٹر اکاؤنٹ پر ایک تصویر شیئر کی جس کے کیپشن میں انہوں نے ’اللہ حافظ‘ تحریر کیا۔
حکومت نے سپریم کورٹ کو بطور ادارہ ختم کرنے کی کوشش کی۔ فواد چوہدری
مریم نواز سعودی عرب میں عمرے کی ادائیگی کے دوران اپنے والد سے بھی ملاقات کریں گی۔
خیال رہے سابق وزیراعظم نواز شریف لندن سے سعودی عرب پہنچیں گے، نوازشریف اور مریم نواز سعودی عرب میں شاہی خاندان کےخصوصی مہمان ہوں گے۔
خاندانی ذرائع کے مطابق مریم اور نواز شریف سعودی شاہی قیادت سے ملاقاتیں بھی کریں گے اور آخری عشرہ مکہ اور مدینہ میں گزاریں گے۔
