ہمیں عمران خان سے نمٹنا پڑے گا، مریم نواز کی پی ٹی آئی چیئرمین پر تنقید

لاہور: سابق وزیراعظم عمران خان پر تنقید کرتے ہوئے پاکستان مسلم لیگ ن کی نائب صدر مریم نواز نے لکھا ہے کہ ہمیں اس سے نمٹنا پڑے گا۔

سماجی رابطے کی ویب سائٹ ٹویٹر پر عمران خان پر تنقید کرتے ہوئے مریم نواز نے لکھا کہ عمران خان کا پاکستان کے بارے میں موقف مشروط ہے اگر فوج غیر جانبدار رہی تو کیچڑ اچھالوں گا۔ اگر عدالتوں نے میرے جرائم کو قانونی قرار نہ دیا تو ان کے خلاف بولوں گا۔

Imran’s stance about Pak is conditional. If Army remains neutral,I will drag it thru the mud,if courts do not legalise my crimes,I will blacken their faces,if ECP exposes the theft of foreign funding,I will attack their integrity. The curse has to be dealt with.#ImranVsPakistan

— Maryam Nawaz Sharif (@MaryamNSharif) September 6, 2022

مریم نواز نے مزید لکھا کہ اگر الیکشن کمیشن نے غیر ملکی فنڈنگ کی چوری کو بے نقاب کیا تو ان کی سالمیت پر حملہ کروں گا، اس لعنت سے نمٹنا پڑے گا۔

مریم نواز نے ایک اور ٹویٹ میں لکھا کہ ان ماؤں کو سلام جو اپنی گود میں بیٹوں کو دھرتی کی حفاظت کا درس دیتی ہیں، ان کی شہادت پر دعا کرتی ہیں وطن ہمیشہ قائم رہے۔

مزید پڑھیں:عدالت کا عمران خان کو دہشت گردی کے مقدمے میں شامل تفتیش ہونیکا حکم

ان بیٹوں کو سلام جو وردی پر پرچم لگا کر جاتے ہیں اور پرچم میں لپٹ کر واپس آتے ہیں۔ یہ قوم شہیدوں کی، ان کے گھر والوں کی مقروض ہے۔ پاکستان پائندہ باد