گوگل نیوز پر ہمیں فالو کریںلاہور: سابق وزیرِ اعظم نواز شریف کی صاحبزادی اور مسلم لیگ (ن) کی نائب صدر مریم نواز نے پولیس اہلکاروں پر الزام لگایا ہے کہ انہوں نے میری گاڑی پر پتھراؤ کیا جبکہ یہ عمل شرمناک ہے۔
سماجی رابطے کی ویب سائٹ ٹوئٹر پر اپنے پیغام میں مریم نواز نے کہا کہ پولیس اہلکاروں نے میری گاڑی پر پتھراؤ کیا ہے۔ انہوں نے اپنے الزام کے تحت پولیس کے عمل کو شرمناک بھی قرار دیا۔
پیغام میں ویڈیو شیئر کرتے ہوئے مریم نواز نے کہا کہ پولیس نے میری گاڑی پر حملہ کیا۔ تصور کیجئے کہ اگر میں بلٹ پروف گاڑی میں نہ ہوتی تو کیا ہوتا۔ پولیس نے جو عمل کیا وہ شرمناک ہے۔ ویڈیو میں پولیس اہلکاروں کو پتھر پھینکتے ہوئے دکھایا گیا۔
Police attacking my car. Imagine if it were not a bullet proof vehicle. Shame. pic.twitter.com/VtQLJlXFhr
— Maryam Nawaz Sharif (@MaryamNSharif) August 11, 2020
یاد رہے کہ اِس سے قبل قومی احتساب بیورو (نیب) کے دفتر کے باہر پاکستان مسلم لیگ (ن) کے کارکنان نے ہنگامہ آرائی کی جس کے پیشِ نظر نیب نے سابق وزیرِ اعظم نواز شریف کی صاحبزادی مریم نواز کی پیشی منسوخ کردی۔
مسلم لیگ (ن) کے کارکنان نے نیب کے دفتر کے باہر پتھراؤ شروع کردیا جس کے پیشِ نظر نیب کے اعلیٰ حکام نے مریم نواز کی پیشی کو منسوخ کرنے کا پیغام سابق وزیرِ اعظم کی صاحبزادی کو بھجوا دیا۔ پیشی کشیدہ صورتحال کے باعث منسوخ کی گئی۔
مزید پڑھیں: نیب کے دفتر کے باہر ن لیگ کی ہنگامہ آرائی، مریم نواز کی پیشی منسوخ
