جعلی حکومت نے ڈسکہ کے ووٹ پر ڈاکہ ڈالا، دوبارہ انتخاب سے بات نہیں بنے گی۔مریم نواز

لاہور: ن لیگ کی نائب صدر مریم نواز نے کہا ہے کہ جعلی حکومت نے ڈسکہ کے ووٹ پر ڈاکہ ڈالا، صرف دوبارہ انتخاب سے بات نہیں بنے گی۔

سماجی رابطے کی ویب سائٹ ٹوئٹر پرا پنے پیغام میں سابق وزیرِ اعظم میاں نواز شریف کی صاحبزادی مریم نواز نے کہا کہ مسلم لیگ (ن) کے تمام شیروں کو مبارکباد دیتی ہوں۔

 نائب صدر مریم نواز نے کہا کہ ن لیگ کے شیروں نے نہ صرف ووٹ چور ٹولے کا ڈٹ کر مقابلہ کیا بلکہ اپنے ووٹ پر پہرہ بھی دیا۔ ڈسکہ والوں اور سیدہ نوشین کو شاباش دیتی ہوں۔

مسلم لیگ ن کے تمام شیروں کو مبارکباد جنہوں نے ناصرف ووٹ چور ٹولے کا ڈٹ کر مقابلہ کیا بلکہ اپنے ووٹ پر پہرہ بھی دیا۔ شاباش ڈسکہ والو،شاباش ! شاباش نوشین @SyedaNosheenPK

— Maryam Nawaz Sharif (@MaryamNSharif) April 2, 2021

سابق وزیرِ اعظم کی صاحبزادی مریم نواز نے کہا کہ ایک بار پھر ثابت ہوگیا کہ عمران خان اور اس کی جعلی حکومت نے ڈسکہ کے عوام کے ووٹ پر ڈاکہ ڈالا ہے۔ صرف ری الیکشن کافی نہیں۔

مریم نواز نے کہا کہ صرف ری الیکشن سے بات نہیں بنے گی۔ ان وارداتیوں کو ووٹ چوری کرے اور الیکشن کمیشن کے عملے کو اغواء کرنے کے جرم کا حساب دینا ہوگا۔ 

آج ایک بار پھر ثابت ہوگیا کہ عمران خان اور اسکی جعلی حکومت نے ڈسکہ کے عوام کے ووٹ پر ڈاکہ ڈالا ہے۔ صرف ری الیکشن سے بات نہیں بنے گی۔ ان وارداتیوں کو ووٹ چوری کرنے اور الیکشن کمیشن کے عملے کو اغوا کرنے کے جرم کا حساب دینا ہوگاانشاءاللّہ pic.twitter.com/zkYCoxGsI9

— Maryam Nawaz Sharif (@MaryamNSharif) April 2, 2021