گوگل نیوز پر ہمیں فالو کریںسات ماہ کی مہنگی پری ویڈنگ تقریبات کے بعد ایشیا کے امیر ترین شخص مکیش امبانی کے بیٹے آننت امبانی اور رادھیکا امپانی کی شادی ہوگئی۔ تقریب میں شادی کے علاوہ بھی بہت کچھ ہوا۔
تفصیلات کے مطابق آننت امبانی اور رادھیکا مرچنٹ کی شادی ہزاروں مہمانوں کی موجودگی میں گزشتہ روز ہوئی۔ تقریب میں کم اور کلوئی کرداشیان، نک جونس اور پریانکا چوپڑا، برطانیہ کے سابق وزرائے اعظم ٹونی بلیئر اور بورس جانسن بھی موجود تھے۔
ساحلی شہر ممبئی میں ہونے والی بھارت کی یہ سب سے بڑی تقریب بھارتی شوبز ستاروں سے بھی مزین رہی جن میں رجنی کانت، سنجے دت، شاہ رخ خان اور دیگر شامل تھے۔ سابق صدر رام ناتھ کووند، متعدد بھارتی ریاستوں کے وزرائے اعلیٰ بھی تقریب کا حصہ بنے۔
فوربز میگزین کا کہنا ہے کہ ریلائنس انڈسٹریز کے مالک مکیش امبانی کے اثاثوں کی مالیت 122 ارب ڈالرز ہے۔ بارش سے بھیگتے ہوئے ممبئی شہر میں پولیس نے پہلے ہی متعدد سڑکیں بند کرکے شہریوں کو متبادل راستے کی جانب موڑ دیا تھا تاکہ یہ تقریب آسانی سے ہوسکے۔
تقریب میں شرکت کرنے والوں میں اداکارہ جھانوی کپور بھی شامل تھیں جنہیں فوٹو کھنچوانے کیلئے پوز دیتے ہوئے دیکھا گیا۔ ایک اور ویڈیو میں عالیہ بھٹ اور رنبیر کپور کو بھی دیکھا گیا۔
View this post on Instagram
View this post on Instagram
معروف فلم ساز راج کمار ہیرانی اور اداکار رنویر سنگھ کو بھی ایک ساتھ دیکھا گیا۔ دونوں فنکار شادی کی تقریب کے دوران موسیقی پر تھرکتے ہوئے نظر آئے۔ایک موقعے پر ایشوریا رائے کو بھی بیٹی کے ہمراہ دیکھا گیا۔
View this post on Instagram
View this post on Instagram
بالی ووڈ فلمز کے کلاسک دور کی یادگار اداکارہ ریکھا بھی تقریب کا حصہ بنیں اور بھارت میں روحانی شخصیت سمجھے جانے والے بابا رام دیو کو بھی تقریب میں شرکت کرتے ہوئے دیکھا گیا ہے۔
View this post on Instagram
View this post on Instagram
شادی کرنے والے جوڑے کی پہلی تصویر نے سوشل میڈیا صارفین میں ہلچل مچا دی۔ تصویر میں دلہن اور دولہے کی مسکراہٹ نے دلوں کا حال کہہ دیا۔بعد ازاں دلہن رادھیکا مرچنٹ کے فوٹو شوٹ کو بھی سوشل میڈیا پر خوب داد ملی۔دولہے کی شادی کیلئے تیاری کی ویڈیو کو بھی سراہا گیا۔
View this post on Instagram
View this post on Instagram
View this post on Instagram
